Apple Down : ॲपलच्या सेवा ठप्प, App Store, Music सह अनेक ॲप्सवर परिणाम

क जायंट कंपनी ॲपलच्या (Apple) अनेक सेवा सोमवारी रात्री उशिरा ठप्प झाल्या, त्यानंतर जगभरातील युजर्स या सेवा वापर करू शकले नाहीत. ॲपलच्या सेवेवर जगाच्या अनेक भागांमध्ये परिणाम झाल्याचे सांगण्यात आले आहे. मात्र, ॲपलने आता ते दुरुस्त केले आहे.

Apple (प्रातिनिधिक फोटो) Image Credit source: Twitter

अक्षय चोरगे, टीव्ही 9 मराठी डिजीटल टीम | Updated on: Mar 22, 2022 | 8:37 AM

मुंबई : टेक जायंट कंपनी ॲपलच्या (Apple) अनेक सेवा सोमवारी रात्री उशिरा ठप्प झाल्या, त्यानंतर जगभरातील युजर्स या सेवा वापर करू शकले नाहीत. ॲपलच्या सेवेवर जगाच्या अनेक भागांमध्ये परिणाम झाल्याचे सांगण्यात आले आहे. मात्र, ॲपलने आता ते दुरुस्त केले आहे. ॲपल म्युझिक (Apple Music), ॲपल टीव्ही प्लस (Apple TV+), App Store, Podcasts, Contacts आणि Apple Arcade या कंपनीच्या वेब-आधारित सेवा आउटेजमुळे प्रभावित झाल्या होत्या. ॲपल सर्व्हिस अप-टाइम डॅशबोर्डनुसार, भारतातील युजर्सना iCloud चे काही फीचर्स वापरताना समस्या आल्या. भारतीय युजर्सना Apple Maps आणि Find My Network सारख्या सेवांमध्ये प्रवेश करणे कठीण जात होते, विशेषत: कॅलेंडर, कॉन्टॅक्ट्स आणि प्रायव्हेट Relay.जगाच्या विविध भागांमध्ये ॲपल युजर्सना समस्या येत होत्या. अनेक भागांमध्ये लोक सोशल मीडियावर ही माहिती शेअर करत आहेत. मात्र, ॲपलने या समस्येवर मात केली आहे, असा कंपनीचा दावा आहे.

ब्लूमबर्गच्या अहवालानुसार, सोमवारी झालेल्या नेटवर्क आउटेजचे निराकरण करण्यात आले आहे. Apple Music, iCloud आणि App Store ऑफलाइन झाले होते. आयफोन आणि अॅपलच्या इतर युजर्सशिवाय कॉर्पोरेट युजर्सनाही या आउटेजमुळे त्रास सहन करावा लागला आहे.

DNS ची समस्या

मिळालेल्या रिपोर्ट्सनुसार, ॲपलने कर्मचाऱ्यांना सांगितले आहे की, ही समस्या डोमेन नेम सिस्टम म्हणजेच DNS ची समस्या होती. जेव्हा इंटरनेट प्रोटोकॉल ॲड्रेस कनेक्ट होण्यात अयशस्वी होतो तेव्हा DNS फेल होण्याची समस्या उद्भवते. ॲपलच्या डॅशबोर्डनुसार, ग्राहकांव्यतिरिक्त कंपनीच्या अंतर्गत सेवेवरही परिणाम झाला आहे. वापरकर्त्यांना iCloud अकाऊंटमध्ये साइन-इन करताना समस्या येत होत्या, परंतु आता त्यांचे युजर्स सर्व सेवा सहजपणे वापरू शकतात.

Apple store systems are down and they’re literally doing everything on paper lol pic.twitter.com/tdNpVPIepw

— Michael Billig (@michael_billig) March 21, 2022

इतर सर्व्हिसेस डाऊन

या आउटेजचा परिणाम iCloud Web Apps वर देखील झाला आहे. युजर्सना ‘ही सेवा स्लो आहे किंवा उपलब्ध नाही’ असे मेसेज मिळत होते. Apple युजर्सनी US वेळेनुसार दुपारी 12 वाजता सेवा बंद असल्याच्या तक्रारी सुरू केल्या. अॅपलच्या सेवांमध्ये या प्रकारची समस्या क्वचितच दिसून येते. मात्र, सोमवारी केवळ अॅपलच नव्हे तर अमेझॉनच्या सेवांबाबतही युजर्स तक्रारी करत होते.