मोठी बॅटरी, शानदार कॅमेरा सेटअपसह iPhone 13 सप्टेंबरमध्ये लाँच होणार?

मुंबई : टेक कंपनी अ‍ॅपल सप्टेंबरमध्ये आपला नवीन स्मार्टफोन आयफोन 13 (iPhone 13) लाँच करण्याचा विचार करत आहे. कंपनी या फोनचे चार मॉडेल्स सादर करु शकते आणि यासोबत त्यामध्ये एक मोठी बॅटरी, अपडेटेड चिपसेट आणि एक्सटेंडेड mmWave 5G सपोर्ट देण्यात येईल. एका नवीन अहवालात हे उघड झाले आहे. AppleInsider च्या अहवालानुसार, रिसर्च फर्म Trendforce ने डिव्हाइससाठी त्याच्या एक्सपेक्टेशन्सची रूपरेषा सांगितली आहे, ज्यामध्ये असे म्हटले आहे की, हा स्मार्टफोन सप्टेंबरमध्ये रिलीज होईल. (iphone 13 will be launch in september with big battery and afvanced camera features : Researchers says)

रिसर्च फर्मला असा विश्वास आहे की, 2021 च्या तिसऱ्या तिमाहीत आयफोनच्या एकूण शिपमेंटमध्ये वर्ष-दर-वर्ष 30 टक्के वाढ होऊ शकते. ट्रेंडफोर्सने नवीन आयफोन 13 मॉडेलमध्ये जी रूपरेखा दिली आहे तीदेखील या अहवालात नमूद केली आहे आणि ते मुख्यतः आधीच्या अफवा आणि अहवालांसारखेच आहेत.

या व्यतिरिक्त, इतर अहवालांमधून असे दिसून आले आहे की आयफोन 13 नवीन 120Hz प्रमोशन डिस्प्ले आणि प्रोफेशनल कॅमेरा फीचर्स जसे की ProRes व्हिडीओ रेकॉर्डिंगसारख्या अतिरिक्त कॅमेरा फीचर्सना सपोर्ट करेल.

जबरदस्त वायफाय फिचर

अ‍ॅपल आपल्या आगामी आयफोन 13 सिरीजमध्ये वायफाय 6 ई सपोर्ट जोडण्याची शक्यता आहे. डिजीटाइम्सच्या अहवालानुसार हा अ‍ॅपल सपोर्ट जोडणार आहे. नवीन वायफाय तंत्रज्ञान 2022 मध्ये iOS आणि Android या दोहोंसाठी एक स्टँडर्ड फिचर असेल. अहवालात सांगण्यात आले आहे की, जर आयफोन 13 मॉडेल्समध्ये हे समर्थन जोडले गेले तर ते वापरकर्त्यांना उच्च वायफाय गती आणि कनेक्टिव्हिटीची सुविधा देईल. परंतु आम्ही आपल्याला सांगू की यासाठी आपल्याला नवीन 6GHz वायफाय 6E राउटरची आवश्यकता असेल जेणेकरुन आपण आयफोन 13 मध्ये या फिचरचा लाभ घेण्यास सक्षम असाल.

जर आपण वायफाय 6 ई बद्दल बोलायचे तर आपल्याला वायफाय बँडबद्दल माहिती आहे, ज्यामध्ये आपल्याला दोन बँड मिळतात. एक 2.4GHz आणि 5GHz. 2.4Ghz सह, वायफायची रेंज वाढते, तर 5GHz सह आपल्याला अधिक डेटा स्पीड मिळते. परंतु आता आपणास तिसरा बॅन्ड देखील मिळणार आहे जो 6GHZ असेल. याच्या मदतीने, वापरकर्त्यांना वायफाय 6 ई तंत्रज्ञानाविषयी माहिती मिळेल.

वायफाय 6 ई सह किती डेटा स्पीड मिळेल?

वायफाय 6 ई सह, आपणास फास्ट डेटा स्पीड मिळेल, परंतु आपल्या फोनमध्ये आपल्याला त्याहून अधिक फायदा होईल. या तंत्रज्ञानानंतर असे काहीही पहायला मिळणार नाही. आपण कितीही पैसे खर्च केले किंवा आपण महिन्यासाठी कोणताही प्लान घेतला तरीही आपल्या आसपास असे अनेक WiFi नेटवर्क आहेत जे एक तर 2.4GHz किंवा 5Ghz आहेत. अशा स्थितीत, स्टेबल वायफाय कनेक्शन मिळविण्यात आपणास बर्‍याच समस्यांचा सामना करावा लागतो.

सप्टेंबरमध्ये लाँचिंग?

अ‍ॅपल कंपनी साधारणपणे सप्टेंबर महिन्यात नवीन आयफोन मॉडेलचे अनावरण करते. परंतु 2020 मध्ये कोरोना साथीच्या आजारामुळे, त्यांना आयफोन 12 लाँच करण्यास उशीर झाला. परंतु आता असे म्हटले जात आहे की, कंपनी आयफोन 13 हा स्मार्टपोन या वर्षी सप्टेंबरमध्ये सादर करु शकते.

इतर बातम्या

25 हजार रुपयांहून कमी किंमतीत बेस्ट 5G स्मार्टफोन्स, पाहा संपूर्ण यादी

डेल्टा व्हेरिएंटची भीती, गुगल, अमेझॉननंतर Facebook कडून कर्मचाऱ्यांना ऑफिसमध्ये बोलावण्याचा निर्णय स्थगित

(iphone 13 will be launch in september with big battery and afvanced camera features : Researchers says)