Google Down: सर्व्हिस ठप्प झाल्याने हजारो युजर्स अडचणीत, तुमच्याही स्क्रीनवर दिसत आहे, Server Error

Google Down: भारतात असंख्य युजर्स गुगल वापरतात. अशात भारतातील हजारो यूजर्सना गूगल सर्च वापरताना समस्यांना सामोरं जावं लागलं. काहींच्या स्क्रिनवर एरर मेसेजेस आला. तर काहींनी ब्लँक पेजेस आणि सर्च रिझल्ट्स व्यवस्थित लोड न झाल्याची तक्रार केली. आउटेज-ट्रॅकिंग प्लॅटफॉर्म ‘डाउनडिटेक्टर’नुसार, नुकताच तक्रारींमध्ये अचानक मोठी वाढ झाली असून, 3 हजार 300 हून अधिक तक्रारी नोंदवण्यात आल्या आहेत. बहुतेक तक्रारी गूगल सर्चशी संबंधित होत्या, तर अनेक यूजर्सनी पेज लोड होण्यात आणि वेबसाइट्स वापरण्यातही समस्या येत असल्याची तक्रार केली.

गुगलची सेवा बंद पडताच, ही समस्या फक्त आपल्यालाच येत आहे की काय हे पाहण्यासाठी वापरकर्त्यांनी एक्स (X) आणि रेडिट (Reddit) सारख्या प्लॅटफॉर्मच्या दिशेने धाव घेतली, पण तेव्हा त्यांच्या लक्षात आलं की, त्याच वेळी इतर हजारो लोकांनाही तीच समस्या भेडसावत होती. जेव्हा गुगल क्रॅश होतं, तेव्हा लोकांना अचानक जाणवतं की इंटरनेटचा किती मोठा भाग गुगलच्या योग्य कार्यावर अवलंबून आहे. बऱ्याच युजर्ससाठी हा व्यत्यय तात्पुरता होता, तरीही या सेवेतील व्यत्ययाबद्दलच्या तक्रारी झपाट्याने वाढतच गेल्या.

57 टक्के लोकांना आली ही अडचण….

डाउनडिटेक्टर डेटानुसार, 57 टक्की लोकांना गूगल सर्च संबंधी अडचणींचा सामना करावा लागला… 28 टक्के लोकांनी पेजेस लॉक न होण्याबद्दल तक्रार केली. 11 टक्के लोकांना वेबसाइटशी संबंधित समस्या आल्या. गूगलने अद्याप या व्यत्ययामागील कारण उघड केलेल नाही, याबद्दल अधिकृत घोषणा लवकरच केली जाईल असं देखली सांगण्यात आहे.

Me after Google server is down pic.twitter.com/MCXjecUQEo

— ℜ𝔲𝔡𝔯𝔞 (@Invincible39) May 12, 2026

Google is down 🤔

damn in my 22 years of life, first time I saw google search down pic.twitter.com/Rpc7wylHkk

— gxjo (@gxjo_dev) May 12, 2026

Everyone after Google server is down pic.twitter.com/zNHRkiss8n

— ℜ𝔲𝔡𝔯𝔞 (@Invincible39) May 12, 2026

अशात गुगल डाऊन झाल्यामुळे शोशल मीडियावर नेटकरी कमेंट करत स्वतःचं मत व्यक्त करत आहे. एक नेटकरी कमेंट करत म्हणाला, ‘मला विश्वास होत नाही की, गुगल डाऊन होऊ शकतो… पण Google.com खरंच डाऊन झालं आहे… ‘, अन्य एक नेटकरी म्हणाला, माझ्या लक्षात नाही यापूर्वी असं कधी झालं होतं…