भारतात लाँच झाला 6000mAh बॅटरी आणि 50MP कॅमेरा असलेला सॅमसंगचा नवीन स्मार्टफोन
सॅमसंगने त्यांचा नवीन फोन भारतात लाँच केला आहे. या फोनमध्ये मोठी बॅटरी, पॉवरफूल प्रोसेसर, 120 हर्ट्झ डिस्प्ले आणि गॅलेक्सी एआय फीचर्स आहेत. चला तर मग या फोनची किंमत आणि फिचर्स जाणून घेऊयात.
सॅमसंगने भारतात त्यांचा नवीन Galaxy F70 Pro 5G स्मार्टफोन लाँच केला आहे. या फोनमध्ये 6.7-इंचाचा सुपर अमोलेड 120 हर्ट्झ डिस्प्ले, स्नॅपड्रॅगन 6 जनरेशन 3 प्रोसेसर, 50-मेगापिक्सलचा ट्रिपल रिअर कॅमेरा आणि 6000mAh बॅटरी आहे. कंपनीने गॅलेक्सी एआय फीचर्स सोबतच सहा वर्षांसाठी ऑपरेटिंग सिस्टीम आणि सुरक्षा अपडेट्स देण्याचे आश्वासनही दिले आहे. हा स्मार्टफोन विविध रॅम आणि स्टोरेज पर्यायांमध्ये उपलब्ध असणार आहे. चला तर मग आजच्या लेखात आपण या फोनची किंमत उपलब्धता आणि फिचर्सबद्दल जाणून घेऊयात.
Samsung Galaxy F70 Pro 5G: किंमत आणि उपलब्धता
सॅमसंग गॅलेक्सी F70 प्रो 5G च्या 6GB रॅम आणि 128GB स्टोरेज असलेल्या बेस व्हेरिएंटची किंमत 25 हजार 999 रूपयांपासून सुरू होते. त्याचबरोबर या फोनचे 8GB रॅम आणि 128GB स्टोरेज असलेल्या व्हेरिएंटची किंमत 29 हजार 999 रूपये आहे. तर 256 जीबी स्टोरेज असलेल्या फोनची किंमत 34 हजार 999 रूपये आहे. लाँच ऑफरचा भाग म्हणून हा स्मार्टफोन 23 हजार 999 रूपयांच्या प्रभावी सुरुवातीच्या किमतीत खरेदी करता येईल. हा स्मार्टफोन अल्फा ब्लॅक आणि ऑरा ग्रीन रंगांमध्ये सॅमसंग इंडिया ऑनलाइन स्टोअर आणि फ्लिपकार्टवर उपलब्ध आहे.
Samsung Galaxy F70 Pro 5G: फिचर्स
सॅमसंग गॅलेक्सी F70 प्रो 5G हा अँड्रॉइड 16-आधारित वन UI 8.5 वर चालतो आणि कंपनीने सहा वर्षांसाठी ऑपरेटिंग सिस्टम व सुरक्षा अपडेट्स देण्याचे आश्वासन दिले आहे. या फोनमध्ये 120Hz रिफ्रेश रेट आणि कॉर्निंग गोरिला ग्लास व्हिक्टस प्लस संरक्षणासह 6.7-इंचाचा फुल एचडी+ सुपर AMOLED डिस्प्ले आहे. यात स्नॅपड्रॅगन 6 जेन 3 चिपसेट, 8GB पर्यंत LPDDR5X रॅम आणि 256GB पर्यंत UFS 3.1 स्टोरेज आहे.
Samsung Galaxy F70 Pro 5G स्मार्टफोनचा कॅमेरा फिचर्स
कॅमेऱ्याबद्दल बोलायचे झाल्यास यात OIS सह 50-मेगापिक्सलचा मुख्य कॅमेरा, 2-मेगापिक्सलचा मॅक्रो कॅमेरा, 5-मेगापिक्सलचा अल्ट्रा-वाइड कॅमेरा आणि 12-मेगापिक्सलचा HDR सेल्फी कॅमेरा आहे.
बॅटरी आणि एआय फिचर्स
सॅमसंगने गॅलेक्सी एफ70 प्रो 5जी मध्ये 6000mAh क्षमतेची मोठी बॅटरी दिली आहे, जी 45W वायर्ड फास्ट चार्जिंगला सपोर्ट करते. कंपनीचा दावा आहे की, एकदा चार्ज केल्यावर हा फोन 24 तासांपेक्षा जास्त यूट्यूब व्हिडिओ स्ट्रीमिंग, 8 तासांपेक्षा जास्त गेमिंग किंवा 12 तास सोशल मीडिया स्क्रोलिंगसाठी टिकू शकतो. या फोनमध्ये सर्कल टू सर्च, जेमिनी व्हॉइस असिस्टंट, एआय व्हॉइस ट्रान्सक्रिप्शन, डायरेक्ट व्हॉइसमेल आणि नाऊ बार यांसारखी गॅलेक्सी एआय फिचर्स देखील आहेत.
