Samsung : Galaxy M31 ला Android 12 आधारित One UI 4.1 चे अपडेट; ही खास आहेत वैशिष्ट्ये
सेल्फीसाठी या फोनमध्ये तुम्हाला 32-मेगापिक्सलचा फ्रंट कॅमेरा पाहायला मिळेल. फोनला पॉवर देण्यासाठी यामध्ये 6000mAh ची बॅटरी देण्यात आली आहे.
Samsung : देशात अनेकांकडे Samsung फोन आहे. तो अनेकांच्या पसंतीतील पहिला फोन आहे. तर अनेक जन सध्या Galaxy M सीरीजमधील Galaxy M31वापरत असतील त्यांच्यासाठी चांगली बातमी आहे. आता Samsung त्याच्या जुन्या Galaxy M सीरीज स्मार्टफोन Galaxy M31 साठी Android 12 वर आधारित नवीनतम One UI 4.1 अपडेट आणले आहे. नवीन अपडेटमध्ये, कंपनी व्हर्च्युअल रॅम वैशिष्ट्यासह सुधारित कॅमेरा (Camera) फंक्शन्स, स्मार्ट विजेट्स आणि बऱ्याच गोष्टी दिल्या आहेत. इतकेच नाही तर कंपनी नवीन अपडेटमध्ये मेनू, बटणे आणि बॅकग्राउंडसह अॅप्ससाठी कलर-आधारित कस्टमायझेशन देखील देत आहे. Galaxy M31 साठी या अपडेटचा आकार 2GB आहे आणि त्याची आवृत्ती M315FXXU2CVCE आहे. हे अपडेट आपोआप डिव्हाइसेसपर्यंत पोहोचत आहे. जर वापरकर्त्याला ते हवं असेल तर तो फोनच्या सेटिंग्जमध्ये दिलेल्या सॉफ्टवेअर अपडेट विभागात जाऊन ते घेवू शकतो.
Galaxy M31 ची वैशिष्ट्ये
फोनमध्ये, 1080X2340 पिक्सेल रिझोल्यूशनसह 6.4-इंच फुल एचडी + एमोलेड डिस्प्ले देत आहे. फोनमध्ये आढळणारा हा डिस्प्ले वॉटरड्रॉप नॉच डिझाइन आणि पातळ बेझल्ससह येतो. फोन 8 GB पर्यंत रॅम आणि 128 GB अंतर्गत स्टोरेजने सुसज्ज आहे. प्रोसेसर म्हणून कंपनी या फोनमध्ये ऑक्टा-कोर Exynos 9611 चिपसेट देत आहे. फोटोग्राफीसाठी फोनच्या मागील बाजूस एलईडी फ्लॅशसह चार कॅमेरे देण्यात आले आहेत. यामध्ये 64-मेगापिक्सेल प्राथमिक सेन्सरसह 8-मेगापिक्सेल अल्ट्रा-वाइड अँगल सेन्सर, 5-मेगापिक्सेल मॅक्रो सेन्सर आणि 5-मेगापिक्सेल डेप्थ सेन्सरचा समावेश आहे.
त्याचबरोबर सेल्फीसाठी या फोनमध्ये तुम्हाला 32-मेगापिक्सलचा फ्रंट कॅमेरा पाहायला मिळेल. फोनला पॉवर देण्यासाठी यामध्ये 6000mAh ची बॅटरी देण्यात आली आहे. ही बॅटरी 15W फास्ट चार्जिंगला सपोर्ट करते. कनेक्टिव्हिटीसाठी, ड्युअल सिम व्यतिरिक्त, तुम्हाला या फोनमध्ये ब्लूटूथ 5.0, ड्युअल बँड वाय-फाय 5, एनएफसी आणि यूएसबी टाइप-सी पोर्ट सारखे पर्याय देण्यात आले आहेत.
