Vivo ने दमदार पॉवर बॅटरीसह Vivo V70 सिरीज केली लाँच, जाणून घ्या किंमत आणि स्पेसिफिकेशन

भारतीय बाजारात Vivo V70 सिरीज लाँच करण्यात आली आहे, ज्यामध्ये Vivo V70 Elite आणि Vivo V70 या स्मार्टफोनचा समावेश आहे. दोन्ही फोन लवकरच ई-कॉमर्स प्लॅटफॉर्मवर आणि कंपनीच्या वेबसाइटवर विक्रीसाठी उपलब्ध होणार आहेत. मानक मॉडेल भारतात दोन शेडमध्ये उपलब्ध असेल, तर Elite मॉडेल तीन रंगांच्या पर्यायांमध्ये उपलब्ध असेल. चला तर मग आजच्या लेखात आपण या सिरीज मधील स्मार्टफोन कोणत्या किमतीत खरेदी करता येईल ते जाणून घेऊयात.

Vivo V70 Elite ची भारतातील किंमत

Vivo V70 Elite ची किंमत 8GB/256GB स्टोरेज व्हेरिएंटसाठी 51 हजार 999 रूपये आहे. तर 12GB/256GB स्टोरेज व्हेरिएंटसाठी 56 हजार 999 रूपये आणि 12GB/512GB स्टोरेज व्हेरिएंटसाठी 61 हजार 999 रूपये आहे. या किंमतीच्या रेंजमध्ये, हा फोन Samsung, Google Pixel आणि Apple iPhone सारख्या मॉडेल्सशी स्पर्धा करेल.

Vivo V70 ची भारतातील किंमत

दुसरीकडे, Vivo V70 या मोबाईल फोनच्या 8GB/256GB व्हेरिएंटची किंमत 45 हजार 999 रूपये आहे आणि 12GB/256GB व्हेरिएंटची किंमत 49 हजार 999 रूपये आहे. तुम्ही जर हा फोन खरेदी करताना SBI, HDFC बँक आणि Yes Bank कार्डचा वापर केल्यास तुम्हाला 10 टक्क्यांपर्यंत कॅशबॅक उपलब्ध असेल. नवीन Vivo फोनची विक्री भारतात 26 फेब्रुवारीपासून Flipkart आणि Vivo ऑनलाइन स्टोअरद्वारे सुरू होईल. या किंमतीच्या रेंजमध्ये हा फोन Samsung Galaxy S24 आणि Motorola च्या फ्लिप फोनसारख्या मॉडेल्सशी स्पर्धा करेल.

Vivo V70 Elite आणि Vivo V70 चे फीचर्स

स्क्रीन: दोन्ही फोनमध्ये 6.59-इंचाचा VM9 AMOLED डिस्प्ले आहे जो 120Hz पर्यंत रिफ्रेश रेट आणि 5000 निट्स पर्यंत पीक ब्राइटनेसला सपोर्ट करतो.

चिपसेट: Vivo V70 Elite मध्ये स्पीड आणि मल्टीटास्किंगसाठी Snapdragon 8S Gen 3 चिपसेट आहे, तर Vivo V70 मध्ये Snapdragon 7 Gen 4 प्रोसेसर आहे.

कॅमेरा: दोन्ही फोनमध्ये ट्रिपल रियर कॅमेरा सेटअप आहे, ज्यामध्ये 50-मेगापिक्सेलचा प्रायमरी सेन्सर, 50-मेगापिक्सेलचा सुपर टेलिफोटो सेन्सर आणि 8-मेगापिक्सेलचा अल्ट्रा-वाइड-अँगल सेन्सर आहे. सेल्फीसाठी, दोन्ही मॉडेल्समध्ये 50-मेगापिक्सेलचा सेन्सर आहे.

बॅटरी: फोनला पॉवर देण्यासाठी एक पॉवरफुल 6500 mAh बॅटरी देण्यात आली आहे, दोन्ही फोन 90 W फास्ट चार्जिंगला सपोर्ट करतात.