200 मेगापिक्सेल कॅमेऱ्यासह Vivo V70 FE स्मार्टफोन भारतात या दिवशी होणार लाँच, जाणून घ्या तारीख

विवो कंपनीने या महिन्याच्या सुरुवातीला इंडोनेशियामध्ये Vivo V70 सोबत Vivo V70 FE लाँच करण्यात आला होता. कंपनीने आता पुष्टी केली आहे की, हा फोन लवकरच V70 लाइनअपमधील तिसरा मॉडेल म्हणून भारतात लाँच केला जाईल. या लाइनअपमध्ये सध्या Vivo V70 Elite आणि Vivo V70 यांचा समावेश आहे. या आगामी फोनसाठी कंपनीच्या वेबसाइटवर आणि ॲमेझॉनवर एक समर्पित मायक्रोसाइट तयार करण्यात आली आहे, ज्याद्वारे कंपनी हळूहळू फोनची वैशिष्ट्ये उघड करेल. हा फोन भारतात किमान दोन रंगांच्या पर्यायांसह आणि ड्युअल रियर कॅमेरा युनिटसह दाखल होईल. चला तर मग हा फोन भारतात कधी लाँच केला जाऊ शकतो ते जाणून घेऊयात.

X वरील एका पोस्टमध्ये कंपनीने घोषणा केली आहे की Vivo V70 FE लवकरच भारतात लाँच केला जाईल. Amazon वरील फोनच्या मायक्रोसाइटवरून असेही सूचित होते की, लाँच झाल्यानंतर तो कंपनीच्या वेबसाइटसोबतच Vivo च्या अधिकृत वेबसाइटवरही विकला जाईल. इतकेच नाही, तर असेही समोर आले आहे की या फोनमध्ये ऑप्टिकल इमेज स्टॅबिलायझेशन (OIS) सह 200-मेगापिक्सलचा प्रायमरी कॅमेरा सेन्सर असेल.

Bring your moments closer and clearer even in low light. Capture it with 50 MP ZEISS Night Telephoto Camera on the new vivo V70.V70 Elite.

Buy now!#vivoV70Series #ZEISSPortraitSoPro #MomentsOfJoy pic.twitter.com/vCX6VnJnyZ

— vivo India (@Vivo_India) March 13, 2026

जरी कंपनीने अद्याप फोनच्या लाँचची तारीख जाहीर केली नसली तरी, टेक ब्लॉगर पारस गुगलानी यांच्या दाव्यानुसार Vivo V70 FE भारतात 2 एप्रिल रोजी लाँच होऊ शकतो. यात टिपस्टरने सांगितले आहे की हा फोन 8 जीबी रॅम आणि 128 जीबी स्टोरेज, तसेच 12 जीबी रॅम आणि 256 जीबी स्टोरेज या व्हेरिएंटमध्ये उपलब्ध होऊ शकतो. या डिव्हाइसची किंमत 35 हजार रूपयांपेक्षा कमी असण्याची शक्यता आहे. तथापि सुरुवातीच्या बँक सवलती आणि कॅशबॅक ऑफर्ससह, बेस व्हेरिएंटची किंमत 30 हजारांपासून सुरू होऊ शकते.

ही इंडोनेशियामधील किंमत आहे

काही आठवड्यांपूर्वी म्हणजेच 9 मार्च रोजी कंपनीने इंडोनेशियामध्ये Vivo V70 FE हा फोन IDR 64,99,000 भारतीय चलनानुसार अंदाजे 35 हजार रूपयांच्या या सुरुवातीच्या किमतीत लाँच केला. ही किंमत 8 जीबी रॅम आणि 256 जीबी स्टोरेज असलेल्या फोनच्या बेस व्हेरिएंटसाठी आहे.