Vivo X300s पुढील आठवड्यात 50 मेगापिक्सेल सेल्फी कॅमेरा, 90 वॉट फास्ट चार्जिंगसह होणार लाँच, जाणून घ्या तारीख

स्मार्टफोन बाजारात आणखी एका दमदार स्मार्टफोनचा प्रवेश होणार आहे. विवो कंपनी पुढच्या आठवड्यात Vivo X300s लाँच करत आहे. लाँच होण्याआधीच त्याची अनेक दमदार फिचर्स समोर आले आहेत. असा दावा केला जात आहे की, या फोनमध्ये 50 मेगापिक्सेलचा सेल्फी कॅमेरा, 7100mAh क्षमतेची बॅटरी आणि 90 वॉटचे फास्ट चार्जिंग असेल. कारण कंपनीचे टीझर्स आणि लीक्स पाहता, हे स्पष्ट आहे की हा फोन प्रीमियम सेगमेंटमध्ये मोठी खळबळ निर्माण करू शकतो. चला तर मग आजच्या लेखात जाणून घेऊयात की हा फोन कधी लाँच होईल.

Vivo X300s या तारखेला होणार लाँच

Vivo X300s हा फोन 30 मार्च रोजी चीनमध्ये Vivo X300 Ultra आणि Vivo Pad 6 Pro सोबत लाँच करणार आहेत. हा फोन प्री-ऑर्डरसाठी आधीच उपलब्ध आहे. कंपनी हा फोन हिरव्या रंगाच्या पर्यायातही देऊ शकते. यामध्ये नवीन ब्लूप्रिंट नेटिव्ह कलर सिस्टीम देखील देण्यात येणार आहे ज्यामुळे फोटोंमधील कलरला आणखीन चांगले बनवू शकते. स्टोरेज पर्यायांमध्ये 12 जीबी ते 16 जीबी रॅम आणि 1 टीबी पर्यंत स्टोरेजचा समावेश असण्याची शक्यता आहे.

कॅमेरा आणि डिस्प्लेमध्ये मोठे अपग्रेड

विवो X300s मध्ये एक पॉवरफुल कॅमेरा असेल असे म्हटले जात आहे. यामध्ये 50MP चा फ्रंट कॅमेरा असेल, ज्यामुळे सेल्फी आणि व्हिडिओ कॉलिंगचा अनुभव सुधारेल. तसेच फोनच्या मागील बाजूस झाईस ट्युनिंगसह 200MP चा प्रायमरी कॅमेरा अपेक्षित आहे. यासोबतच 50MP चा अल्ट्रावाइड लेन्स आणि 50MP चा पेरिस्कोप टेलीफोटो लेन्स असण्याचीही शक्यता आहे. या फोनमध्ये 144Hz रिफ्रेश रेटसह 6.78-इंचाचा 1.5K डिस्प्ले असेल, ज्यामुळे एक उत्तम व्हिज्युअल अनुभव मिळेल.

कार्यक्षमता, बॅटरी आणि डिझाइनवर विशेष लक्ष

या स्मार्टफोनमध्ये मोठी 7100mAh बॅटरी असेल, ज्यामुळे दीर्घकाळ वापर सुनिश्चित होईल. यात 90W वायर्ड आणि 40W वायरलेस चार्जिंगला सपोर्ट मिळण्याची शक्यता आहे. फोनमध्ये मेटल फ्रेम असण्याची शक्यता आहे, ज्यामुळे त्याला एक प्रीमियम लूक मिळेल. 3D अल्ट्रासोनिक फिंगरप्रिंट स्कॅनर आणि IP68/IP69 रेटिंगमुळे तो अधिक सुरक्षित आणि टिकाऊ बनतो.