तुकाराम मुंडेंच्या काळात कोणाचीही गय नाहीच, थेट नाशिकमध्ये मोठी कारवाई, तब्बल 20..

अन्न व औषध प्रशासन विभागाचे आयुक्त तुकाराम मुंडे यांनी राज्यभर धडक कारवाई सुरू केल्या आहेत. कोणाचीही गय त्यांच्याकडून केली जात नाही. धाड धाड हॉटेलचे परवाने रद्द केली जात आहेत. हॉटेल्सच्या स्वयंपाक घरात जाऊन तपासणी केली जात आहे. भेसळयुक्तांना सळो की पळो करून सोडले जातंय. हॉटेलच्या स्वयंपाक घरात थोडीही घाण आणि अस्वच्छता आढळली की, त्यांच्याकडून परवाने रद्द केले जात आहेत. ही कारवाई कोण्या एका शहरात नाही तर राज्यभर सुरू आहे. भेसळयुक्तांचे धाबे दणाणले आहेत. मुंबईतील बड्या बड्या हॉटेलमध्येही त्यांनी कारवाई सत्र सुरू केले. आता एफडीएची कारवाई नाशिककडे वळली आहे. तुकाराम मुंडेंच्या मार्गदर्शनाखाली एफडीएची नाशिक विभागात मोठी धडक कारवाई सुरू आहे. दोन दिवसांत तब्बल 20 हॉटेल आणि रेस्टॉरंटमधील खाद्य पदार्थांची तपासणी करण्यात आली.

अन्न सुरक्षा नियमांचे गंभीर उल्लंघन आढळल्याने तब्बव 7 नामांकित हॉटेल आणि रेस्टॉरंटचे परवाने तात्काळ निलंबित करण्यात आलीत. सुधारणा नोटीसचे पालन न करणाऱ्या आणखी रेस्टॉरंटवर देखील कारवाई होणार आहे. तुकाराम मुंडे यांच्या कार्यकाळात कोणालाही सुट्टी मिळणार नाही, हे स्पष्ट होत आहे. कोणाचीही गय केली जाणार नाही.

तपासणीत स्वयंपाकघरात अस्वच्छता, माश्यांचा व घाणीचा सापळा, अन्नपदार्थ उघड्यावर ठेवल्याचे आढळले कारवाईदरम्यान आढळून आले. कोल्ड स्टोरेज व तापमानाच्या नियमांचे उल्लंघन देखील केले. अन्न दूषित होण्याचा धोका त्यामुळे निर्माण होतो. कर्मचाऱ्यांकडून स्वच्छतेच्या नियमांचे पालन न झाल्याचेही निदर्शनास अन्न व औषध प्रशासनाकडून विशेष तपासणी मोहीम पुढेही सुरू राहणार आहे.

सर्वांनी या मोहिमेचा धसका घेतला आहे. तुकाराम मुंडे यांच्या राज्यात कोणाचाही गय होत नाही. वाशिमही अन्न सुरक्षा प्रशासनाची धडक कारवाई बघायला मिळतंय. शहरातील 3 हॉटेलांची तपासणी त्यापैकी साई ढाब्याचा अन्न सुरक्षा परवाना निलंबित तर हॉटेल गणेश आणि हॉटेल चिंतामणी या दोन हॉटेल ला सुधारणा करण्याची नोटीस देण्यात आली.