मोबाईलच्या स्क्रीनवर दिसणारा हा हिरवा ठिपका आहे कशाचा? सुरक्षेसाठी का इतका महत्त्वाचा?

Green Dot on Mobile Screen: मोबाईलच्या स्क्रीनवर कधी कधी हिरव्या रंगाचा एक ठिपका सारखा चमकताना तुम्हीही लक्षात घेतला असेल. ग्रीन डॉट सतत ब्लिंक करत असल्याने त्याकडे लक्ष जाते. फोनच्या स्क्रीनवर हा छोट्या रंगाचा डॉट सतत का चमकतो हे तुम्ही अगोदर समजून घ्यायला हवे. हा डॉट ब्लिंक होत असले तर याचा सरळ अर्थ असा आहे की, तुमच्या कॅमेऱ्याचा वापर कोणते तरी ॲप करत आहे. हे एक खासगी फीचर आहे. ते Android अथवा iPhone दोघांच्या युझर्ससाठी सुरक्षेसाठी देण्यात येते.

या फीचरची गरज काय?

हा ग्रीन डॉट तुम्हाला अलर्ट करतो की, तुमचे कोणतेतरी ॲप हा तुमच्या कॅमेऱ्याचा ॲक्सेस करत आहे. त्यामुळे कॅमेरा चालू असल्याचे तुमच्या लक्षात येते. म्हणजे एक ॲप तुमची परवानगी न घेता तुमचा अथवा त्याच्या दृष्टी टप्प्यात येत असलेल्या वस्तूंचा फोटो आणि व्हिडिओ चोरून काढत असल्याचे त्याचा अर्थ आहे.

मायक्रोफोनसाठी सुद्धा असेच होते का?

काही फोनमध्ये हिरवा अथवा ऑरेंज डॉट हा मायक्रोफोनचा वापर दाखवण्यासाठी करण्यात येतो. जर मायक्रोफोन सुरू असेल तर फोनमध्ये केवळ नारंगी रंगाचा ठिपका दिसतो. ही सुविधा खासकरून iPhone मध्ये आहे. हिरवा डॉट कॅमेरा अथवा कॅमेरा आणि मायक्रोफोन दोन्ही ॲक्टिव्ह होण्याचे संकेत देतात.

तर राहा सावध

जर तुम्ही कॅमेरा वापरत नसाल आणि हिरवा डॉट दिसत असेल तर सावध राहा. याचा अर्थ तुमच्या बॅकग्राऊंडला कॅमेरा ॲक्सेस सुरू असतो. तेव्हा तुम्ही अशा ॲपचे ॲक्सेस चेक करा आणि तसं काही आढळलं तर लागलीच त्याची परवानगी बंद करा.

अगोदर करा हे काम

फोनच्या Settings मध्ये जाऊन Camera आणि Microphone permissions कंट्रोल करू शकता. ज्या ॲप्सवर तुमचा विश्वास नाही, त्यांची परवानगी बंद करा. त्यामुळे तुमचे खासगीपण जपले जाईल आणि कोणतेही ॲप तुमच्या परवानगीशिवाय कॅमेरा आणि मायक्रोफोनचा वापर करू शकणार नाही.