Air Chief Marshal Ashutosh Dixit : नव्या एअर फोर्स प्रमुखांनी सर्वांच मन जिंकलं; ज्यांनी घडवलं त्यांना सॅल्यूट मारून इतरांसमोर ठेवला आदर्श

देशाची जबाबदारी खांद्यावर आली की अभिमान वाटतोच; पण ज्यांनी स्वप्न पूर्ण करण्यासाठी ज्यांनी मदत केली, मेहनत घेतली, आयुष्यभर साथ दिली त्यांना विसरून कसं चालेलं? असाच एक सुंदर क्षण भारतीय वायुसेनेचे नवे प्रमुख ‘एअर चीफ मार्शल आशुतोष दीक्षित’ यांच्या बाबतीत पाहायला मिळाला. वायुसेनेची कमान स्वीकारल्यानंतर त्यांनी आधी देशाच्या शहीद जवानांना अभिवादन केले आणि त्यानंतर आपल्या आई आणि सासूबाईंना सॅल्यूट करत त्यांचे आशीर्वाद घेतले. त्यांचा हा व्हिडिओ सध्या सोशल मीडियावर चर्चेत आहे.

31 ऑक्टोबर 2026 रोजी आशुतोष दिक्षीत यांनी भारतीय वायुसेनेचे 29 वे प्रमुख म्हणून पदभार स्वीकारला. त्यानंतर 1 नोव्हेंबरला ते नवी दिल्लीतील राष्ट्रीय युद्ध स्मारकावर पोहोचले.तिथे त्यांनी पुष्पचक्र अर्पण करून देशासाठी शहीद झालेल्या जवानांना श्रद्धांजली वाहिली.

यानंतर तिथे उपस्थित असलेल्या आपल्या आई निर्मला दीक्षित आणि सासूबाई कमला पांडे यांच्याजवळ ते गेले. त्यांनी दोघींच्या पाया पडून आर्शिवाद घेतले आणि त्यांना सॅल्यूटही केला. नव्या पदाची जबाबदारी स्वीकारल्यानंतर हा क्षण कॅमेऱ्यात कैद झाला. एएनआयने हा व्हिडिओ शेअर केला असून त्यानंतर तो सोशल मीडियावर व्हायरल झाला आहे.

#WATCH | Delhi: Air Chief Marshal Ashutosh Dixit saluted and touched the feet of his mother, Ms Nirmala Dixit and mother-in-law Kamla Pandey soon after laying a wreath at the National War Memorial on taking over as the Chief of the Air Staff. https://t.co/px5A3sgeQP

— ANI (@ANI) November 1, 2026

कोण आहेत Air Chief Marshel आशुतोष दीक्षित

आशुतोष दीक्षित यांचा जन्म 9 डिसेंबर 1966 रोजी झाला. 6 डिसेंबर 1986 रोजी त्यांची भारतीय वायुसेनेच्या फायटर स्टीममध्ये नियुक्ती झाली. त्यांना मिराज – 2000, मिग, जग्वार आणि तेजस यांसह 20 हून अधिक प्रकारची विमाने उडवण्याचा अनुभव आहे. त्यांनी आतापर्यंत 3,500 तासांहून अधिक उड्डाण केले आहे. ते अनुभवी फायटर पायलट, ए्क्सपेरिमेंटल टेस्ट पायलट आणि क्वालिफाईड फ्लाईंग इस्ट्रक्टर आहेत. आपल्या धोरणात्मक नियोजनासाठी आणि ‘ऑपरेशन सिंदूर’मध्ये महत्त्वाची भूमिका बजावण्यासाठी ओळखले जाणारे एअर चीफ मार्शल दीक्षित यांनी चार दशकांच्या कारकिर्दीत ‘एअर चीफ मार्शल दीक्षित’ यांनी विविध कमांड, स्टाफ आणि प्रशिक्षण पदांवर काम केले आहे.

हवाई दलाचा पदभार स्वीकारताना एअर चीफ मार्शल यांनी आपला सन्मान आणि अभिमान आपल्या भाषणातून व्यक्त केलं. त्यांनी आपल्यावरील विश्वासाबद्दल राष्ट्रपती, पंतप्रधान आणि संरक्षण मंत्री यांचे आभार मानले. त्यांनी निवृत्त होणारे हवाई दल प्रमुख, एअर चीफ मार्शल ए. पी. सिंग यांचेही आभार मानले. ते म्हणाले की, ऑपरेशन सिंदूर दरम्यान, एअर चीफ मार्शल ए. पी. सिंग यांच्या नेतृत्वाखाली हवाई दलाने अचूक आणि निर्णायक हवाई शक्तीचे प्रदर्शन केले. दीक्षित म्हणाले की, एअर चीफ मार्शल ए. पी. सिंग यांनी त्यांच्याकडे पूर्णपणे सज्ज असलेल्या हवाई दलाची कमान सोपवली आहे.