‘कॉकरोच जनता पार्टी’नं भाजपाला टाकलं मागे, पण पक्ष म्हणून मान्यता मिळेल का? जाणून घ्या पक्ष स्थापनेचे नियम काय?

भारतीय राजकारणात अनेकदा नवीन पक्ष स्थापन होत असतात. पण, गेल्या काही दिवसांत ज्या ‘पक्षाने’ सर्वाधिक लक्ष वेधून घेतले आहे, तो कोणताही पारंपारिक राजकीय पक्ष नसून इंटरनेट आणि मीम संस्कृतीतून निर्माण झालेली एक उपहासात्मक चळवळ आहे. ती म्हणजे ‘कॉकरोच जनता पार्टी’ अर्थात CJP. अवघ्या काही दिवसांतच या डिजिटल चळवळीने सोशल मीडियावर लाखो-करोडो लोकांचे लक्ष वेधून घेतले. इन्स्टाग्रामवर त्यांचे फॉलोअर्स झपाट्याने वाढले, भारतातील X (पूर्वीचे ट्विटर) वर त्यांचे अकाऊंट ‘विथहेल्ड’ (withheld) म्हणजेच बंद करण्यात आले आणि इंटरनेटवर अभिव्यक्ती स्वातंत्र्य, तरुणांची बेरोजगारी आणि राजकीय उपहास यावर नवी चर्चा सुरू झाली. CJP च्या लोकप्रियतेचा अंदाज यावरून लावता येईल की, २१ मे रोजी संध्याकाळी ७ वाजेपर्यंत CJP च्या इन्स्टाग्रामवर १.६ कोटींहून अधिक फॉलोअर्स झाले होते, जे देशातील कोणत्याही राजकीय पक्षापेक्षा जास्त आहेत. पण सर्वात मोठा प्रश्न हा आहे की, सोशल मीडियावर व्हायरल झाल्याने एखादी संघटना राजकीय पक्ष बनते का? जर कॉकरोच जनता पार्टीला खरोखरच...