Diwali 2021 Video: चटक चांदणी, चतूर कामिनी, काय म्हणायचं हीला, ही आहे तरी कोण, बाई की लाईटचं दुकान?

नवीन कपडे घातल्यानंतर आपणही उजळून निघावं असं प्रत्येकाला वाटतं. पण असं करण्यासाठी कुणी थेट कपड्यांवरच रोषणाई केली तर..? ऐकूण आश्चर्य वाटलं असेल, पण असाच एक व्हिडीओ सध्या सोशल मीडियावर चांगलाच व्हायरल होत आहे

दिवाळीला लाईटची साडी

TV9 मराठी डिजीटल टीम | Edited By: VN | Updated on: Nov 03, 2021 | 1:42 PM

दिवाळी म्हणजे दिव्यांचा सण, कुठलंही घर असो, दिवाळीत ते उजळलं नाही असं होत नाही. त्यातच नवीन कपड्यांची खरेदी आली. जसं घर उजळतं, तसेच नवीन कपडे घातल्यानंतर आपणही उजळून निघावं असं प्रत्येकाला वाटतं. पण असं करण्यासाठी कुणी थेट कपड्यांवरच रोषणाई केली तर..? ऐकूण आश्चर्य वाटलं असेल, पण असाच एक व्हिडीओ सध्या सोशल मीडियावर चांगलाच व्हायरल होत आहे, ज्यात एक महिलेने थेट आपल्या नव्या साडीवर विद्युत रोषणाई केली आहे. जे पाहिल्यानंतर लोक हसून लोटपोट होत आहेत. ( diwali viral video Diwali 2021 Funny Video diwali latest video woman wearing saree with light)

हा व्हिडीओ बराच जुना आहे, मात्र दिवाळीच्या मुहू्र्तावर पुन्हा एकदा सोशल मीडियावर धुमाकूळ घालत आहे. पांढऱ्या फिक्कट रंगाच्या साडीत ही महिला कशी लुकलुकत आहे, हे पाहा. या महिलेकडे बघून असे वाटतं की, जणू तिने ही साडी स्वत:ला उजळवण्यासाठीच नेसली आहे. महिलेचा हा व्हिडिओ लोकांना खूप आवडला असून लोक या व्हिडिओवर मोठ्या प्रमाणात व्यक्त होत आहेत.

पाहा व्हिडीओ:

What’s your #DeepavaliSaree like? Am sure your #DiwaliSari can’t match this one … Never seen anything quite like this after #AmitabhBachchan #SaaraZamaanaHaseenonKaDeewana #Yaarana !! pic.twitter.com/Y4VUv9UgNL

— Syed Mohammed Rafi (@JournalistRafi) November 1, 2021

व्हायरल होत असलेला व्हिडिओ सोशल मीडिया प्लॅटफॉर्म ट्विटर अकाउंटवर शेअर करण्यात आला आहे. सय्यद मोहम्मद रफी नावाच्या पेजवर तुम्ही हा व्हिडिओ पाहू शकता.

सोशल मीडिया यूजर्सना हा व्हिडिओ खूप आवडलेला दिसतो आहे. काही लोक या व्हिडीओवर टीकाही करत आहेत. काही लोकांचे म्हणणे आहे की या महिलेला पाहून असे वाटते की, तिला दिवा लावण्याची गरज नाही. त्याचवेळी, काहींनी सांगितले की, तिच्या अंगावर तारा गुंडाळलेल्या आहेत. एका यूजरने कमेंट करताना लिहिले की, ‘असं दिसते की या मॅडमनी त्यांच्या घरात लायटिंग केलेली नसेल’ दुसऱ्या यूजरने लिहिले, ‘ही बाई आहे की लाईट शॉप’?

हेही पाहा: