बापरे! अमेरिकेत दोन विमानांची टक्कर, व्हिडीओ व्हायरल

अमेरिकेतील डलासमध्ये एअर शो दरम्यान दोन लढाऊ विमानांची टक्कर झालीये. या दुर्घटनेनंतर दोन्ही युद्ध विमानांना भीषण आग लागली होती. माजी सैनिक दिनानिमित्त या एअर शोचे आयोजन करण्यात आले होते. दुर्घटनाग्रस्त विमानाची मालकी असलेल्या कमिशनर एअर फोर्सच्या प्रवक्त्या लिया ब्लॉक यांनी सांगितले की, बी-17 फ्लाइंग फोर्ट्रेस बॉम्बर विमानात पाच क्रू मेंबर्स होते आणि पी-63 किंग कोब्रा फायटर जेटवर एक व्यक्ती होती. या अपघातात 6 जणांचा मृत्यू झाला आहे.

शहराच्या मुख्य भागापासून सुमारे 16 किलोमीटर अंतरावर असलेल्या डलास कार्यकारी विमानतळावर शनिवारी दुपारी 1.20 वाजताच्या सुमारास ही घटना घडली.

अपघातानंतर रेस्क्यू टीम घटनास्थळी पोहोचली. माहितीनुसार, वॉर प्लेन क्रॅशमध्ये 6 जणांचा मृत्यू झाला आहे.

ॲन्थनी मॉन्टोया, हा अपघात ज्याने पाहिला त्याने सांगितले की, “मी तिथेच उभा होतो. मला पूर्णपणे धक्का बसला आणि मला काहीच समजत नव्हतं. आजूबाजूचे सर्वजण धापा टाकत होते. सगळे जण रडत होते. सर्वांनाच धक्का बसला होता.

विशेष म्हणजे डलासमध्ये झालेल्या युद्ध विमान दुर्घटनेचा व्हिडिओ सोशल मीडियावर मोठ्या प्रमाणात व्हायरल होत आहे.

OMG – two planes collided at ‘Wings Over Dallas’ air show today

This is crazy

pic.twitter.com/CNRCCnIXF0

— James T. Yoder (@JamesYoder) November 12, 2022

या व्हिडीओमध्ये दोन्ही विमानांना आग लागल्याचे पाहायला मिळत आहे. घटनास्थळी उपस्थित असलेल्या लोकांनी ही घटना कॅमेऱ्यात कैद केली.

डलासचे महापौर एरिक जॉन्सन म्हणाले की, राष्ट्रीय वाहतूक सुरक्षा मंडळाने विमानतळाचा ताबा घेतला आहे. अपघाताची माहिती मिळाल्यानंतर स्थानिक पोलीस आणि अग्निशमन दलाच्या पथकातील लोकांनी मदत केलीये.