उद्योगपती रतन टाटा यांचे हृदय द्रवले, ट्वीटरवर पावसाळ्यात वाहनचालकांना दिला हा सल्ला

मुंबई : उद्योगपती रतन टाटा आणि त्यांच्या परिवाराचे देशाच्या जडणघडणीत मोठा वाटा आहे. उद्योगपती रतन टाटा ( Ratan Tata ) नेहमीच त्यांच्या सामाजिक जाणीवेविषयी ओळखले जातात. टाटा यांनी समाजमाध्यमावर ( Social Media ) नेहमीच सामाजिक विषयावर आपले विचार मांडत असतात. त्यांनी आपल्या ट्वीटरवर हॅंडलवर ( Twitter )  एक वेगळाच संवेदनशील विषय मांडला आहे. त्यांची ही भावनिक पोस्ट साऱ्यानांच मनापासून भावली आहे. ट्वीटरवर या पोस्टला खूपच लाईक केले जात आहे.

सध्या पावसाळ्याचे दिवस आहेत, त्यामुळे वाहनचालकांसाठी उद्योगपती रतन टाटा यांनी एक आवाहन केले आहे. पावसाळ्यात त्यांचा हा संदेश खूपच महत्वचा मानला जात आहे. रतन टाटा यांनी आपल्या ट्वीटर हॅण्डलवर वाहनचालकांसाठी हा संदेश दिला आहे. त्यात त्यांनी वाहनचालकांनी कार सुरु करण्यापूर्वी एकदा कारच्या खाली वाकून कोणता प्राणी आराम करत नाही ना याची काळजी घ्यायला सांगितले आहे. जर पावसामुळे कुत्रा किंवा मांजराने तुमच्या कारचा आधार घेतला असेल तर त्यामुळे तो प्राणी जखमी होऊ शकतो. त्यामुळे योग्यप्रकारे काळजी घेत कार सुरु करावी असे त्यांनी म्हटले आहे.

हेच ते रतन टाटा यांचे ट्वीट..

Now that the monsoons are here, a lot of stray cats and dogs take shelter under our cars. It is important to check under our car before we turn it on and accelerate to avoid injuries to stray animals taking shelter. They can be seriously injured, handicapped and even killed if we… pic.twitter.com/BH4iHJJyhp

— Ratan N. Tata (@RNTata2000) July 4, 2023

पावसात सर्रास मुके प्राणी कारचा आसरा घेत असतात. त्यामुळे कार सुरु करण्यापूर्वी एकदा कारच्या खाली वाकून तिच्या खाली कोणताही प्राणी नाही ना याची पाहणी करा असे त्यांनी म्हटले आहे. त्यामुळे रतन टाटा यांच्या प्राणी प्रेमामुळे त्यांच्या वेगळ्या स्वभावाची प्रचिती येते. त्यामुळे रतन टाटा मुक्या प्राण्याची देखील किती काळजी वाहतात हे स्पष्ट होत.

उद्योगपती रतन टाटा यांनी समाजमाध्यमावर नेहमीच मुक्या प्राण्यांविषयीचे व्हिडीओ आणि फोटो शेअर केले आहेत. एकदा त्यांनी रस्त्यावरील झोपलेल्या कुत्र्याला पाऊस लागू नये म्हणून त्याच्यावर आपली छत्री धरणाऱ्या एका छत्रीधारी तरुणाचा फोटो समाजमाध्यमावर शेअर केला होता.