Koffee With Karan शो बंद होताच ट्विटरवर मीम्सचा पाऊस; हार्दिक पांड्या, कंगनाचे भन्नाट मीम्स व्हायरल

Memes

Image Credit source: Twitter

‘कॉफी विथ करण’ (Koffee With Karan) या आपल्या चॅट शोविषयी निर्माता-दिग्दर्शक करण जोहरने (Karan Johar) बुधवारी महत्त्वपूर्ण घोषणा केली. हा शो बंद होणार असल्याचं त्याने सोशल मीडियावरील पोस्टद्वारे स्पष्ट केलं. या लोकप्रिय शोचा सातवा सिझन लवकरच प्रेक्षकांच्या भेटीला येणार असल्याची चर्चा काही दिवसांपूर्वी होती. इतकंच नव्हे तर या सिझनमध्ये कोणकोणते सेलिब्रिटी येतील, याचासुद्धा अंदाज वर्तवण्यात आला होता. मात्र आता कॉफी विथ करण हा शो प्रेक्षकांच्या भेटीला येणार नसल्याचं करणने जाहीर केलं. करणच्या या घोषणेनंतर ट्विटरवर मीम्सचा पाऊस पडला. त्यात कंगना रनौत, हार्दिक पांड्या (Hardik Pandya) यांचे भन्नाट मीम्स व्हायरल झाले आहेत. याच शोमध्ये करणचा कंगना रनौतशी वाद झाला होता. ज्यानंतर तिने करणवर घराणेशाहीचा आरोप केला होता. तर हार्दिकने त्याच्या खासगी आयुष्याविषयी वादग्रस्त वक्तव्य केल्यानंतर त्याच्यावर जोरदार टीका झाली होती.

‘गेल्या सहा सिझन्सपासून कॉफी विथ करण हा शो माझ्या आणि तुमच्या आयुष्याचा भाग होता. या शोद्वारे मी लोकांवर प्रभाव टाकण्यात यशस्वी ठरलो आणि पॉप कल्चरच्या इतिहासातही आम्हाला आमची जागा मिळाली. तरीही अत्यंत जड अंत:करणाने मी हे सांगू इच्छितो की कॉफी विथ करण पुन्हा प्रेक्षकांच्या भेटीला येणार नाही’, अशी पोस्ट करणने ट्विटरवर लिहिली. हीच पोस्ट शेअर करत नेटकऱ्यांनी हास्यास्पद मीम्स शेअर केले आहेत.

काय असेल कंगनाची प्रतिक्रिया-

के. एल. राहुल आणि हार्दिक पांड्याचे मीम्स

‘अखेर तो दिवस आला’

कॉफी विथ करण हा शो बंद झाल्याचा सर्वाधिक आनंद कंगना रनौत, हार्दिक पांड्या आणि के. एल. राहुल यांना होत असल्याचं नेटकऱ्यांनी म्हटलंय आणि त्यावरून मीम्स व्हायरल केले आहेत. 19 नोव्हेंबर 2004 रोजी या शोचा पहिला एपिसोड प्रेक्षकांच्या भेटीला आला होता. या शोमध्ये अनेक सेलिब्रिटींनी त्यांच्या खासगी आयुष्यातील महत्त्वाचे खुलासे केले होते.