Cutest pushpa raj video : ‘या’ चिमुकल्यालाही चढलाय ‘पुष्पा’चा Fever, Dance steps पाहून पडाल प्रेमात

Kid cute video : अल्लू अर्जुनच्या 'पुष्पा' (Pushpa) या चित्रपटाने सर्वांनाच भुरळ घातली. यातील गाणीही सुपरहीट झाली. त्यातीलच एक गाणे म्हणजे श्रीवल्ली (Srivalli)... एक डान्स व्हिडिओ सध्या सोशल मीडियावर खूप व्हायरल (Viral) होत आहे, एक चिमुकला यावर डान्स करतोय.

श्रीवल्ली गाण्यावर डान्स करताना चिमुकलाImage Credit source: Instagram

Pradeep Garad | Updated on: Mar 03, 2022 | 2:22 PM

Kid cute video : अल्लू अर्जुनच्या ‘पुष्पा’ (Pushpa) या चित्रपटाने असा धमाका केला आहे, की तो आता लोकांच्या मनातून सहजासहजी बाहेर पडत नाही. चित्रपटच नाही तर यातील गाणीही सुपरहीट झाली. त्यातीलच एक गाणे म्हणजे श्रीवल्ली (Srivalli)… हे गाणे लोकांना खूप आवडले. इन्स्टाग्रामवर लोक या गाण्यावर जोरदार रील बनवत आहेत. काहीजण हे गाणे गाताना दिसत आहेत तर काहीजण त्यावर डान्स करताना दिसत आहेत. असाच एक डान्स व्हिडिओ सध्या सोशल मीडियावर खूप व्हायरल (Viral) होत आहे, पण खास गोष्ट म्हणजे यावेळी एक लहान मुलगा श्रीवल्ली गाण्याच्या डान्स स्टेप्स करताना दिसत आहे. एका लहान मुलाच्या या अप्रतिम व्हिडिओने लोकांचे चांगलेच मनोरंजन होत आहे. व्हिडिओमध्ये तुम्ही पाहू शकता, की पुष्पा चित्रपटातील प्रसिद्ध श्रीवल्ली गाणे टीव्हीवर सुरू आहे आणि एक लहान मूल ते लक्षपूर्वक पाहत आहे. मग थोड्या वेळाने, तो थोडा पुढे जातो आणि जवळून टीव्ही पाहू लागतो.

एवढ्या लहान मुलाला इतके कसे समजले?

सुरुवातीला मुलाकडे पाहून असे वाटते, की तो फक्त टीव्ही पाहत आहे, परंतु थोड्याच वेळात तो या गाण्याची डान्स स्टेप करू लागतो आणि सर्वांना आश्चर्यचकित करतो. तुम्ही या गाण्यावर अनेक मोठ्यांना नाचताना पाहिले असेल, पण एवढ्या लहान मुलाला अशी डान्स स्टेप करताना तुम्ही क्वचितच पाहिले असेल. हा व्हिडिओ पाहून जितका आनंद होतो तितकेच आश्चर्यही वाटते, की टीव्ही पाहिल्यावर एवढ्या लहान मुलाला इतके कसे समजले?

इन्स्टाग्रामवर शेअर

हा अप्रतिम व्हिडिओ सोशल मीडिया प्लॅटफॉर्म इन्स्टाग्रामवर giedde नावाने शेअर करण्यात आला आहे आणि व्हिडिओमध्ये लिहिले आहे, की Cutest pushparaj… हा व्हिडिओ आतापर्यंत 36 हजारांहून अधिक वेळा पाहिला गेला आहे, तर 6 हजारांहून अधिक लोकांनी व्हिडिओला लाइकही केले आहे. सोबतच लोकांनी व्हिडिओ पाहिल्यानंतर विविध कमेंट्सदेखील केल्या आहेत आणि मुलाच्या डान्स स्टेपचे कौतुक केले आहे.