जगातील ग्रेट ग्रँडफादर म्हणून ओळखले जाते ‘हे’ झाड; वय आहे सुमारे 5000 वर्षांपेक्षा जास्त

जगातील सर्वात जुने झाड चिलीच्या दक्षिणेकडील प्रदेशात असलेल्या राष्ट्रीय उद्यानात आहे. त्याचे वय 5000 वर्षांपेक्षा जास्त आहे. जगातील सर्वात जुने झाड चिलीच्या दक्षिणेकडील प्रदेशात असलेल्या राष्ट्रीय उद्यानात आहे. आश्चर्याची गोष्ट म्हणजे हे झाड इतकी वर्षे सुरक्षित आहे. हिरवेगार आहे.

1. जगातील सर्वात जुने झाड दक्षिण चिलीमधील अलर्स कोस्टेरो नॅशनल पार्कमध्ये आहे. हे सायप्रस ट्री आहे. ज्याला हिंदीत सनौवर म्हणतात. सर्वात जुने म्हणायचे म्हणजे या झाडाचे वय पृथ्वीवरील सर्व झाडांपेक्षा जास्त आहे.म्हणूनच शास्त्रज्ञ त्याला ‘ग्रेट ग्रँडफादर’ असेही म्हणतात.
2. पॅरिसमधील क्लायमेट अँड एन्व्हायर्नमेंटल सायन्सेस प्रयोगशाळेतील पर्यावरणशास्त्रज्ञ जोनाथन बारिचेविच यांनी सांगितले की, या सायप्रस वृक्षाचे वय 5484 वर्षे आहे. साधारणपणे कॉम्प्युटर मॉडेलद्वारे या झाडाच्या आकाराची परिमाणे, आकार, स्केल इ.तपासले असता लक्षात आले आहेत की हे झाड नष्ट होत चाललेल्या एका दुर्मिळ प्रजातीचे आहे.
3. जोनाथनने सांगितले की, कॉम्प्युटर मॉडेलच्या माध्यमातून आम्हाला त्याच्या 80 टक्के विकासाची कथा कळली आहे. हे झाड नमूद केलेल्या वयापेक्षा कमी असण्याची शक्यता फक्त 20 टक्के आहे. कारण या झाडाच्या खोडाचा व्यास 4 मीटर आहे. त्यामुळे त्याचे वलय मोजता येत नव्हते. या झाडाने शेवटच्या सर्वात जुन्या झाडाचा विक्रम मोडला आहे.
4. यापूर्वी, कॅलिफोर्नियाच्या व्हाईट माउंटनमध्ये स्थित ब्रिस्टलकोन पाइन हे सर्वात जुने झाड असल्याचे म्हटले जात होते.त्याचे नाव मेथुसेलाह. त्याचे वय 4853 वर्षे आहे. पण आजोबांचे वय 5,484  वर्षे आहे जोनाथन म्हणतात की काही शास्त्रज्ञ या खुलाशाशी सहमत नाहीत, परंतु झाडाला छेदल्याशिवाय किंवा कापल्याशिवाय त्याचे अचूक वय शोधण्याचा कोणताही अचूक मार्ग नाही.
5. कोलंबिया युनिव्हर्सिटीच्या ट्री रिंग लॅबोरेटरीचे संचालक एड कूक म्हणतात की जर आपण झाडाच्या आतील कड्या मोजू शकत नसलो तर त्याचे नेमके वय कळू शकत नाही.त्याचे नेमके वय निश्चित करणे कठीण आहे. पण ज्या तंत्राने जोनाथनने या झाडाचे वय काढले आहे, ते जवळजवळ अचूक असू शकते. हे झाड 5000 वर्षांहून अधिक जुने असल्याची पुष्टी झाली आहे.