नवरदेवाचा पाय फ्रॅक्चर, वधूने केलं असं काही…मिळतेय सगळ्यांकडून कौतुकाची थाप!
आजकाल हा व्हिडिओ समोर आला आहे, तो पाहून तुम्ही वधूचे कौतुक करताना थकणार नाही.
सोशल मीडियावर दररोज वधू-वरांचे गोंडस क्षणांचे व्हिडिओ व्हायरल होत असतात. लग्नाशी निगडीत व्हिडिओ नेटिझन्स मोठ्या आवडीने पाहतात आणि एकमेकांना भरभरून शेअर करतात, असं म्हटलं तर वावगं ठरणार नाही. हे व्हिडिओ पाहिल्यानंतर अनेकदा आश्चर्य वाटते, तर अनेकवेळा अशा व्हिडिओंवर आपली नजर खिळते. असे व्हिडीओ बघून आपला दिवस बनतो. असाच एक व्हिडिओ सध्या चर्चेत आहे.
भारतीय लग्नात जयमाला सोहळ्याला खूप महत्त्व आहे. मात्र कालांतराने या विधीत अनेक बदल झाले आहेत. हा क्षण संस्मरणीय करण्यासाठी वधू-वर आता काहीतरी रोमांचक करतात हे तुमच्या लक्षात आले असेलच. उदाहरणार्थ, वरमाला नंतर स्टेजवर नृत्य सादर करणे किंवा विधीदरम्यान एकमेकांना सहजासहजी हार घालू न देणे. यामध्ये नवरदेवाचे मित्र आणि वधूच्या बहिणी खूप मदत करतात. पण आजकाल हा व्हिडिओ समोर आला आहे, तो पाहून तुम्ही वधूचे कौतुक करताना थकणार नाही.
व्हायरल होत असलेल्या व्हिडिओमध्ये तुम्ही पाहू शकता की, वधू-वर स्टेजवर जयमालसाठी सज्ज आहेत. नवरदेव खाली बसून घेतो वधूला हे समजते. आधी वधू त्याला हार घालते. मग वधू सुद्धा खाली बसते आणि नवरदेवही तिला हार घालतो. यावेळी नवरदेव उभे राहण्याचा प्रयत्न करतो पण वधू लगेच त्याचा तोल सांभाळते.
View this post on Instagram
हा व्हिडिओ इन्स्टाग्रामवर तियासोणकर नावाच्या अकाऊंटने शेअर केला आहे. ही बातमी लिहिपर्यंत 84 हजारांहून अधिक लोकांनी याला लाइक केले असून कमेंट करत आपली प्रतिक्रिया देत आहेत. एका युजरने लिहिले की, ‘या वधूच्या व्हिडिओने खरोखरच माझा दिवस बनवलाय’, तर दुसऱ्या युजरने लिहिले की, ‘चांगला जोडीदार तोच असतो जो वाईट आणि चांगल्या दोन्ही वेळी तुमची साथ देतो’
