Vande Bharat ट्रेनच्या जेवणामुळे सुजले ओठ ? महिलेच्या दाव्यामुळे खळबळ

देशातील प्रीमिअम ट्रेन वंदे भारत एक्स्प्रेस (Vande Bharat Express) ही अन्नाच्या दर्जामुळे पुन्हा एकदा चर्चेत आली असून अनेक प्रश्न उपस्थित होत आहेत. वाराणसीहून देवघरच्या दिशेने प्रवास करणाऱ्या आयुषी सिंग नावाची महिला आणि तिचा दोन वर्षांचा मुलगा, हे ट्रेनमधील जेवण खाल्ल्यानंतर आजारी पडले, असा दावा करण्यात येत आहे. या धक्कादायक घटनेचे फोटो आणि वैद्यकीय अहवाल सोशल मीडियावर व्हायरल झाले आहेत.

27 मार्च रोजी 22500 या ट्रेनच्या कोच ई1 मधून आयुषी तिच्या कुटुंबियांसह प्रवास करत होती. मात्र या ट्रेनमध्ये जे जेवण देण्यात आलं, ते खाल्ल्यावर थोड्याच वेळात तिला ॲलर्जी झाली आणि तिचे ओठ खूप सुजले, असा आरोप तिने केला आहे. तर माझ्या मुलाला जुलाब होऊ लागले, असंही तिने म्हटलं. एवढंच नव्हे तर ट्रेनमध्ये देण्यात आलेल्या पिण्याच्या पाण्याबद्दलही तिने अनेक सवाल उपस्थित केले आहेत. जर आम्हाला वेळेवर उपचार मिळाले नसते तर परिस्थिती आणखी बिघडू शकली असती, असा दावा आयुषीने केला आहे.

या पोस्टमुळे माजली खळबळ

@RailwaySeva @drmljn Kindly look into the matter urgently. I was travelling in Vande Bharat 22500 E1 coach on 27.3.26 and after consuming lunch, I developed a severe allergy which could have been life threatening. My Son (2 yrs) too developed diarrhoea. (Photo attached for ref) pic.twitter.com/KBdyppDq4m

— The_Mediocre_Fille (@AyushiS54377868) March 30, 2026

IRCTC चं म्हणणं काय ?

मात्र त्या महिलेचा वैद्यकीय अहवाल आणि तिच्या सुजलेल्या ओठांचे फोटो सोशल मीडियावर व्हायरल झाल्यानंतर, आयआरसीटीसीने (IRCTC) यावर आता प्रतिक्रिया दिला आहे. त्या दिवशी जे अन्न देण्यात आलं, त्याच्या नमुन्यांची तपासणी केली असता ते सुरक्षित असल्याचे आढळलं, असा दावा आयआरसीटीसीने केला आहे. तसेच, ट्रेनमधील जेवणाच्या गुणवत्तेबाबत कोणतीही तक्रार दाखल झाली नसल्याचेही त्यांनी म्हटलं आहे. आयआरसीटीसीने महिला प्रवाशाशी संपर्क साधला असून, संपूर्ण माहिती मागवली असून सखोल चौकशीचे आश्वासनही दिलं आहे.

महिलेचा मेडिकल रिपोर्ट

@IRCTCofficial @RailwaySeva @RailMinIndia @K44869654Kumar Worst quality food provided on vande bharat express and insensitive attitude of staff towards complaints. This is my medical prescription describing severe allergy after consuming food in Vande Bharat 22500. pic.twitter.com/ddfg2mMUC9

— The_Mediocre_Fille (@AyushiS54377868) March 31, 2026

IRCTC चं उत्तर

Lunch on Train No. 22500 BSB-DGHR Vande Bharat Express (Coach E1) on 27.03.2026 was checked & found satisfactory. No other complaints received reg. Quality/Hygiene or safety of food on the day.

— IRCTC (@IRCTCofficial) March 30, 2026