Video : काळ आला होता, पण.., काही मिनिटं वाचवणं रेल्वे रूळ ओलांडणाऱ्या दुचाकीस्वाराला पडलं महागात

Biker escapes a major train accident : काही मिनिटे वाचवण्याचा प्रयत्न मोटारसायकल (Bike) चालवणाऱ्या एका माणसाला महागात पडला. मुंबईत (Mumbai) भरधाव वेगात जाणाऱ्या ट्रेनखाली (Train) चिरडण्यापासून एक व्यक्ती वाचली आहे.

रेल्वेरूळ ओलांडताना थोडक्यात बचावली व्यक्ती

Pradeep Garad | Updated on: Feb 15, 2022 | 12:42 PM

Biker escapes a major train accident : काही मिनिटे वाचवण्याचा प्रयत्न मोटारसायकल (Bike) चालवणाऱ्या एका माणसाला महागात पडला. मुंबईत (Mumbai) भरधाव वेगात जाणाऱ्या ट्रेनखाली (Train) चिरडण्यापासून एक व्यक्ती वाचली आहे. एक व्हिडिओ क्लिप सोशल मीडियावर फिरत आहे ज्यामध्ये एक दुचाकी राजधानी एक्स्प्रेस ट्रेनखाली चिरडताना दिसत आहे, तर दुचाकीस्वार दुचाकी सोडून तिथून पळ काढतो. हे व्हिडिओ फुटेज 12 फेब्रुवारी रोजी मुंबईत कॅप्चर करण्यात आले होते. बाइकस्वार रेल्वे रुळांवर थांबताना आणि शेवटच्या क्षणी त्याची मोटरसायकल टाकून देताना दिसत आहे. या घटनेत तोही जखमी झाल्याचे दिसून येत आहे. सोशल मीडियावर ही क्लिप सध्या वेगाने फिरत आहे. अशीच एक घटना घडली होती. मागच्या वर्षीच्या अशाच एका घटनेसह क्लिप जोडण्यात आलीय. त्यामध्ये एक दुचाकीस्वार अशा रेल्वे अपघातातून थोडक्यात बचावला होता.

नियमांचं पालन होत नाही

रेल्वे अपघातांची म्हणजेच रेल्वेखाली येवून मृत्यूमुखी पडणाऱ्यांची संख्या भारतात मोठी आहे. याचं मुख्य कारण म्हणजे नियमांचं पालन न करणं. खरं तर रेल्वेच्या रुळावर जाणे हा गुन्हा आहे. यासाठी मोठ्या दंडाची तरतूददेखील आहे. रेल्वेतर्फेही अनेकेवेळा सांगण्यात येतं, की रूळ ओलांडू नये. यासाठी पुलांचा वापर करावा. तसंच रेल्वे फाटक नसलेल्या ठिकाणी नागरिकांनी किमान रेल्वे गेल्यानंतर रूळ पार करावा, हे अपेक्षित असतं. मात्र रेल्वे येत असल्याचं दिसत असतानाही अनेकजण आपला जीव धोक्याक घालत असतात.

Smithereens 2022… bike and train??? https://t.co/alAgCtMBz5 pic.twitter.com/jBwFDeGGYA

— Rajendra B. Aklekar (@rajtoday) February 14, 2022

लागला जोरदार धक्का

अशाच एका घटनेत संबंधित व्यक्ती अगदी थोडक्यात बचावला आहे. रेल्वेचा रूळ तो ओलांडत होता. मात्र त्याची दुचाकी घसरली आणि तेवढ्यात रेल्वे समोरून आली. रेल्वेचा जोरदार धक्का लागून तो व्यक्ती लांब उडून पडला. यात तो जखमी झाला. हा व्हिडिओ थरारक आणि अंगावर काटा आणणारा आहे. थोडक्यात बचावला असला तरी प्रत्येकवेळी असं होईलच असं नाही. त्यामुळे रेल्वेने घालून दिलेले नियम सर्वांनी पाळणं गरजेचं आहे.