वाचली पोरगी वाचली! थोडक्यात वाचली…बस ड्रायव्हरने तत्परता दाखविली
एक मुलगी बसमधून खाली उतरताच अचानक अपघाताची बळी ठरते.
रस्त्यावरून चालणे सोपं नाही. विशेषत: ज्या रस्त्यांवर वाहनांची नेहमी ये-जा असते. तसे पाहिले तर हा धोका केवळ पादचाऱ्यांनाच नाही, तर कार किंवा बसमध्ये बसून किंवा दुचाकीने प्रवास करणाऱ्यांनाही आहे. रस्त्यावरून चालताना झालेली छोटीशी चूकही मोठ्या अपघातात रुपांतरीत होते. अनेक वेळा वाहनांमधून खाली उतरतानाही लोक अपघाताचे बळी ठरतात, असेही दिसून येते. असाच एक व्हिडिओ सध्या सोशल मीडियावर व्हायरल होत आहे, जो तुम्हाला आश्चर्यचकीत करेल आणि तुम्हाला हसूही येईल.
व्हिडीओमध्ये एक मुलगी बसमधून खाली उतरताच अचानक अपघाताची बळी ठरते. तिचा पाय वर अडकतो, त्यामुळे बस पुढे सरकताच ती सुद्धा बस बरोबर सरकत पुढे जाते.
व्हिडीओमध्ये तुम्ही पाहू शकता की, बस थांबली आहे आणि एक मुलगी खाली उतरण्याचा प्रयत्न करत आहे, पण इतक्यात अचानक बस सुटते आणि तिचा पाय वर कुठेतरी अडकतो.
मग काय, ती मुलगी बस बरोबर पुढे पुढे सरकत जाते. सुदैवाने बसचालक पुढे सरकताच बस थांबवतो. त्यामुळे मुलीचा जीव वाचतो, अन्यथा तिच्यासोबत मोठा आणि जीवघेणा अपघात होऊ शकला असता.
हा अपघात व्हिडिओ सोशल मीडिया प्लॅटफॉर्म ट्विटरवर @ViciousVideos नावाच्या आयडीसह शेअर करण्यात आला आहे.
— Vicious Videos (@ViciousVideos) October 12, 2022
अवघ्या 6 सेकंदाचा हा व्हिडिओ आतापर्यंत 20 हजारांपेक्षा जास्त वेळा पाहिला गेला आहे, तर शेकडो लोकांनी हा व्हिडिओ लाईकही केला आहे. त्याचबरोबर लोकांनी व्हिडिओ पाहून विविध प्रतिक्रियाही दिल्या आहेत.
