तो भारतीय, ती चिनी… सीमेवर तणाव पण नात्यात प्रेम! हिंदी चिनी husband wife ची अनोखी कहाणी
नवरा भारतातला आहे, बायको चीनची आहे, पण या नात्यात तणाव नसून प्रेम आहे.
हे बघितलं की ‘हिंदी-चीनी भाई भाई’ हा डायलॉग आठवतो. दोन्ही देशांमध्ये अनेकदा तणावाचं वातावरण असतं. अलिकडेच अरुणाचल प्रदेशच्या तवांग सेक्टरमध्ये भारत आणि चीनच्या सैनिकांमध्ये चकमक झाली होती, त्यात भारतीय जवानांनी चिनी सैनिकांचा पाठलाग केला, मात्र या चकमकीत दोन्ही देशांचे काही सैनिक जखमी झाले. बरं, दोन्ही देशांतील हा तणाव सर्वश्रुत आहेच, पण मध्यंतरी एक जोडपं सोशल मीडियावर चर्चेचा विषय बनलंय. त्याचं कारण म्हणजे नवरा भारतातला आहे, बायको चीनची आहे, पण या नात्यात तणाव नसून प्रेम आहे. ही लव्ह स्टोरी खूप फेमस झालीये.
वास्तविक, हे प्रकरण असे आहे की, चीनमध्ये राहणारी होउ जोंग नावाची एक मुलगी छत्तीसगडमधील रहिवासी असलेल्या लोकेश कुमारच्या प्रेमात पडते आणि मग त्या दोघांचे लग्न होते.
विशेष म्हणजे लोकेश हा योग शिक्षक आहे, होउ जोंग ही त्याची विद्यार्थिनी होती. योग शिकता शिकता दोघांमध्ये प्रेम फुललं आणि मग त्यांचं प्रेम इतकं वाढलं की दोघांनी लग्न करण्याचा निर्णय घेतला.
लोकेशने स्वत: सोशल मीडिया प्लॅटफॉर्म यू ट्यूबवर (यू ट्यूब व्हिडिओ) एक व्हिडिओ शेअर केला आहे आणि आपल्या प्रेमकथेबद्दल सांगितले आहे.
लोकेशच्या म्हणण्यानुसार, तो छत्तीसगडच्या धमतरी जिल्ह्यातील रहिवासी आहे. लहानपणापासूनच योगाची आवड असल्याने सुरुवातीच्या अभ्यासानंतर योगशास्त्रात पदव्युत्तर शिक्षण घेण्यासाठी तो हरिद्वारला गेले.
योगशास्त्रात पदव्युत्तर शिक्षण पूर्ण केल्यानंतर ते नोकरीसाठी दिल्लीला गेले. दरम्यान, चीनमधील एका भारतीय संस्थेत योग शिक्षकाची जागा रिक्त असल्याची माहिती त्यांना मिळाली. मग काय, त्याने अर्ज केला आणि त्याची निवडही झाली.
चीनच्या बीजिंग येथील योग संस्थेत त्यांची भेट होउ जोंगशी झाली, जी तेथे योग शिकण्यासाठी येत असे. याच दरम्यान योग शिकताना होउ जोंग लोकेशच्या प्रेमात पडली आणि विशेष म्हणजे तिने स्वत: लोकेशला प्रपोज केले.
काही दिवसांनी त्यांच्या नात्यात थोडी कटुता आली आणि त्यांचे ब्रेकअप झाले पण नंतर काही वेळाने दोघांचे बोलणे सुरू झाले आणि मग त्यांनी लग्न केले. 2019 साली दोघांनी लग्न केलं. सध्या त्यांना एक मूलही आहे, त्याचं नाव रशिया आहे.
