Petrol Diesel Price : तेल कंपन्यांचे हे लटके कारण अजून किती दिवस..आंतरराष्ट्रीय बाजारात स्वस्तात मिळत आहे इंधन..
Petrol Diesel Price : आंतरराष्ट्रीय बाजारात कच्च्या तेलाचे भाव गेल्या चार महिन्यांपासून घसरणीवर आहेत. पण त्याचा काहीच फायदा जनतेला का मिळत नाहीये?..
नवी दिल्ली : आंतरराष्ट्रीय बाजारात (International Market) कच्च्या तेलाचे भाव (Crude Oil) गेल्या चार महिन्यांपासून घसरणीवर आहेत. पण त्याचा काहीच फायदा जनतेला का मिळत नाहीये? गेल्या चार महिन्यांपासून आंतरराष्ट्रीय बाजारात कच्च्या तेलाच्या किंमती नरम पडल्या आहेत. क्रूड ऑईलच्या किंमती अनेक दिवसांपासून 100 डॉलर प्रति बॅरलपेक्षा कमी आहे. कच्च्या तेलाच्या किंमतीत घसरण सुरु आहे. पण 25 सप्टेंबर रोजी देशातील पेट्रोल-डिझेलच्या किंमतीत (Petrol-Diesel Price) काहीच बदल झालेला नाही.
पेट्रोलियम मंत्री हरदीप पुरी यांनी यामागचं कारण सांगितले आहे. तेल कंपन्यांचे गेल्या काही दिवसांपासून नुकसान भरुन निघाले नसल्याची माहिती त्यांनी दिली. आंतरराष्ट्रीय बाजारात इंधनाचे दर घसरले असले तरी त्याचा फायदा देशभरातील वाहनधारकांना झाला नाही. तोट्याचे भांडवल करुन कंपन्या दर कपातीला विरोध करत आहेत.
कच्च्या तेलाच्या किंमतीत कमालीची घसरण सुरु आहे. एप्रिल महिन्यात मात्र रशिया आणि युक्रेन युद्धाचा मोठा फटका तेल कंपन्यांना बसला. त्यांना चढ्या दराने, वाढीव भावाने इंधन खरेदी करावे लागेल. पण देशात त्यांना किंमती वाढविता आल्या नाही. त्यामुळे तेल कंपन्यांचे नुकसान झाले.
7 एप्रिल 2022 रोजीपासून किंमतीत बदल झालेला नाही. 22 मे रोजी केंद्र सरकारने पेट्रोल आणि डिझेलवरील उत्पादन शुल्कात कपात केली होती. तर काही राज्यांनीही त्यांच्या शुल्कात कपात केली होती. अबकारी कर कमी झाल्याने काही राज्यात पेट्रोल-डिझेलच्या किंमतीत 10 रुपयांची सवलत मिळाली.
एसएमएसद्वारे (SMS) पेट्रोल-डिझेलचे दररोजचे दर जाणून घेऊ शकता . इंडियन ऑईलच्या ग्राहकांना RSP टाईप करुन 9224992249 या मोबाईल क्रमांक आणि बीपीसीएल (BPCL) ग्राहकांनी RSP टाईप करुन 9223112222 क्रमांकावर पाठवावा. तर, एचपीसीएल (HPCL) ग्राहक एचपीप्राइस (HPPrice) टाईप करुन तो 9222201122 या मोबाईल क्रमांकावर पाठवून इंधनाचे दर जाणून घेता येतात.
