PF Withdrawal Easy Steps | आर्थिक आणीबाणी? पीएफची रक्कम लागलीच येईल हाती! फक्त या 10 स्टेप्स करा फॉलो

PF Withdrawal Easy Steps | सरकारी कर्मचारी (Government Servant) असो वा खासगी नोकरदार (Private Employees) कधी ना कधी पैशांची अडचण येतेच. अचानक मोठ्या रक्कमेची गरज पडते. अशा आपत्काळात तुम्हाला पीएफ खाते (Provident Fund) मदतीचा हात देऊ शकते. या खात्यात जमा होणारी रक्कम ही आपत्कालीन परिस्थितीत उपयोगी ठरते. ज्या संस्थेत तुम्ही काम करता ती वेतनात आणि त्याच्या वाटा असे मिळून पीएफ खात्यात रक्कम जमा करतात. नोकरदार वर्गासाठी ही रक्कम अचानक मोठ्या रक्कमेची गरज पडते, त्यावेळी उपयोगी पडते. कोरोना काळात तर सरकारने नियम शिथिल केल्यानंतर पीएफमुळे नोकरदारांना मोठा दिलासा मिळाला. कोरोनाच्या दोन वर्षांत पीएफ खात्यातून सर्वाधिक रक्कम काढता आली. पीएफ खात्यावर सरकार दरवर्षी 8% व्याज (Interest Rate) देते. हा व्याजदर सातत्याने घसरत आहे. पण तरीही तो समाधानकारक आहे. 2022-23 मधील पीएफवरील व्याज लवकरच खात्यात जमा होणार आहे. तर आपत्कालीन परिस्थितीत तुम्हाला 72 तासात ही रक्कम काढता येते. कशी ते आपण पाहुयात.

3 दिवसांत रक्कम खात्यात

पीएफ खात्यात जमा झालेली रक्कम काढण्यासाठी काही नियम आहेत. त्यांचे पालन करून तुम्हाला रक्कम काढता येईल. त्यासाठी ईपीएफओ काही अटींसह पीएफ खात्यातून (PF Amount) पैसे काढण्याची परवानगी देते. विहित प्रक्रिया पूर्ण केल्यानंतर पगारदाराला फक्त 3 दिवसांत रक्कम त्याच्या खात्यात मिळते.

इतकी रक्कम काढता येते

पीएफ खाते असलेला कोणताही कर्मचारी 3 महिन्यांचा मूळ पगार आणि महागाई भत्ता समतुल्य अथवा पीएफ खात्यात जमा एकूण रकमेच्या 75 टक्के रक्कम सहज काढू शकतो. यासाठी तुम्हाला ऑनलाइन क्लेम करावा लागेल. प्रक्रिया पूर्ण झाल्यानंतर आणि तुमच्या बँक खात्यात पुढील 72 तासांत रक्कम जमा होईल. परंतु, स्वतः कार्यालयात जाऊन ही प्रक्रिया पूर्ण केल्यास त्याला मात्र जास्त दिवस लागतात. त्यासाठी 15 ते 20 दिवस लागतात.

अशी आहे प्रक्रिया

सर्वप्रथम ईपीएफओच्या सदस्य पोर्टलवर https://www.epfindia.gov.in/ लॉगिन करा

मेन्यूमधील सर्व्हिसेस पर्यायावर क्लिक करा

कर्मचाऱ्याचा पर्याय निवडा

त्यानंतर, Member UAN/Online Service (OCS/OTCP) हा पर्याय निवडा

एक लॉगइन पेज ओपन होईल. यूएएन आणि पासवर्डच्या मदतीने इथे लॉग-इन करा

नवीन पेजवर ऑनलाइन सेवांवर जा

ड्रॉप डाऊन मेन्यूमधून क्लेम (फॉर्म-31, 19 आणि 10 सी) निवडा

आता आणखी एक नवीन पेज ओपन होईल, तुमचे बँक खाते क्रमांकाचा पडताळा करावा लागेल

पडताळणीनंतर अंडरटेकिंगचे प्रमाणपत्र उघडेल, ते स्वीकारा

त्यानंतर Proceed for Online Claim पर्यायावर क्लिक करा.

आता आणखी एक फॉर्म उघडेल.

याठिकाणी (I want to apply for) त्यासमोरील ड्रॉपडाऊनमधून पीएफ अॅडव्हान्स (फॉर्म – 31) निवडा.

पैसे काढण्याचे कारण आणि आवश्यक रक्कम विचारण्यात येईल. चेकबॉक्स मार्क करताच ही प्रक्रिया पूर्ण होईल.