आता पोस्टातून मिळणार होम लोन, LIC हाऊसिंग फायनान्सशी करार असं कर
आयपीपीबीचे व्यवस्थापकीय संचालक आणि मुख्य कार्यकारी अधिकारी जे. वेंकटरामू म्हणाले की, LIC हाऊसिंग फायनान्ससोबतचे टाय-अप इंडिया पोस्टसाठी एक मोठे यश आहे. आता आमच्या ग्राहकांना आपल्या प्लॅटफॉर्मवर गृहकर्जाची सुविधाही मिळेल.
नवी दिल्ली : गृहकर्ज बाजाराच्या विस्तारासाठी एलआयसी हौसिंग फायनान्स(LIC Housing Finance)ने इंडिया पोस्ट पेमेंट बँक (IPPB) सोबत गृहकर्ज बाजार वाढवण्यासाठी करार केला आहे. या करारानंतर, पोस्ट ऑफिस बँकेचे 4.5 कोटी ग्राहक आता LIC हाऊसिंग फायनान्सला उपलब्ध होतील जेथे कंपनीला नवीन बाजारपेठ आणि गृहकर्जांसाठी नवीन ग्राहक मिळतील. (India Post will now offer a home loan agreement with LIC Housing Finance)
इंडिया पोस्ट पेमेंट बँकेच्या देशभरात 650 शाखा आणि 1.36 लाख बँकिंग टच पॉईंट आहेत. इंडिया पोस्टच्या नेटवर्क अंतर्गत 2 लाखांहून अधिक पोस्टमन आणि ग्राम डाक सेवक आहेत. या लोकांकडे आता मायक्रो एटीएम, बायोमेट्रिक उपकरणांसारख्या सुविधा आहेत. खरं तर, इंडिया पोस्टने बँकिंग सेवेवरही खूप भर दिला आहे. LICHFL सोबत करार झाल्यानंतर, इंडिया पोस्टचे कर्मचारी त्याच्यासाठी व्यवसाय आणण्याचे काम करतील.
इंडिया पोस्ट ग्राहकांना गृहकर्जाची सुविधा मिळणार
आयपीपीबीचे व्यवस्थापकीय संचालक आणि मुख्य कार्यकारी अधिकारी जे. वेंकटरामू म्हणाले की, LIC हाऊसिंग फायनान्ससोबतचे टाय-अप इंडिया पोस्टसाठी एक मोठे यश आहे. आता आमच्या ग्राहकांना आपल्या प्लॅटफॉर्मवर गृहकर्जाची सुविधाही मिळेल. आमच्या ग्राहकांना जास्तीत जास्त सुविधा देण्याचा आमचा प्रयत्न आहे. याशिवाय आमचे लक्ष डिजिटल बँकिंगवर आहे.
एलआयसी हौसिंग फायनान्सला मिळेल नवीन बाजारपेठ
एलआयसी हाऊसिंग फायनान्सचे व्यवस्थापकीय संचालक आणि मुख्य कार्यकारी अधिकारी, वाय विश्वनाथ गौर म्हणाले की, इंडिया पोस्ट पेमेंट बँकेबरोबर धोरणात्मक भागीदारीच्या मदतीने आम्ही स्वतःसाठी नवीन बाजारपेठ शोधू. यामुळे आमची व्याप्ती वाढेल आणि नवीन ग्राहक आमच्यात सामील होतील. इंडिया पोस्ट देशाच्या प्रत्येक कोपऱ्यात उपलब्ध आहे. अशा परिस्थितीत, पोस्ट ऑफिस नेटवर्कशी करार करणे हे आमच्यासाठी एक मोठे यश आहे.
6.66 टक्के दराने गृहकर्जाची ऑफर
एलआयसी हौसिंग फायनान्स सध्या 6.66 टक्के दराने गृह कर्ज देत आहे. मात्र, हा व्याजदर 50 लाखांपर्यंतच्या गृहकर्जासाठी आहे. जर कोणी पगारदार असेल आणि त्याचा CIBIL स्कोअर चांगला असेल तर या व्याजदराने 50 लाखांपर्यंतची गृहकर्जे सहज उपलब्ध होतात. (India Post will now offer a home loan agreement with LIC Housing Finance)
Ganesh Chaturthi 2021 : गणेशोत्सव साजरा करण्यासाठी मुंबई महापालिकेच्या महत्वपूर्ण सूचना, जाणून घ्या एका क्लिकवर https://t.co/HJ7GeoFzZ7 @mybmc @KishoriPednekar @OfficeofUT @AUThackeray @ShivSena #Ganeshotsav #GaneshChaturthi #Ganeshchaturthi2021 #BMC #MumbaiMahapalika
— TV9 Marathi (@TV9Marathi) September 7, 2021
इतर बातम्या
Yamaha च्या दोन शानदार स्कूटर भारतात लाँच, जाणून घ्या किंमती आणि फीचर्स
