यंदा धनत्रयोदशीला ज्वेलरी मार्केट चैतन्यमय होण्याची अपेक्षा, सोन्याच्या दरातील घसरणीने भरला उत्साह

सध्या 10 ग्रॅम सोन्याची किंमत 46,000-47,000 रुपये प्रति 22 कॅरेट आहे, जी 2020 च्या तुलनेत सुमारे 5 टक्के कमी आहे. यासोबतच आता लग्न-विवाहाच्या कार्यक्रमांमध्येही वाढ झाली आहे.

संग्रहित छायाचित्र.

TV9 मराठी डिजीटल टीम | Edited By: वैजंता गोगावले | Updated on: Oct 31, 2021 | 6:01 PM

मुंबई : भारतीय दागिन्यांच्या बाजार आता पूर्वपदावर येत असून सराफा व्यापाऱ्यांना यावर्षी धनत्रयोदशीला जोरदार विक्रीची अपेक्षा आहे. कोरोनाची तिसरी लाट येण्याची भिती कमी झाल्याने लोकांमध्ये सणासुदीचा उत्साह आहे. तसेच यावेळी सोन्याच्या दरातही नरमाई आहे. अशा स्थितीत दागिन्यांची बाजारपेठ चमकदार राहण्याची अपेक्षा आहे. (Jewelery market is expected to be vibrant on Dhantrayodashi this year)

ज्वेलरी उद्योगातील एका संस्थेने सांगितले की, यंदाच्या सणाच्या दागिन्यांची विक्री 2019 च्या कोविडपूर्व पातळीपर्यंत पोहोचेल अशी अपेक्षा आहे. याचे कारण असे की सध्या 10 ग्रॅम सोन्याची किंमत 46,000-47,000 रुपये प्रति 22 कॅरेट आहे, जी 2020 च्या तुलनेत सुमारे 5 टक्के कमी आहे. यासोबतच आता लग्न-विवाहाच्या कार्यक्रमांमध्येही वाढ झाली आहे.

नवरात्रीनंतर बाजारात मागणी वाढली

ऑल इंडिया जेम्स अँड ज्वेलरी डोमेस्टिक कौन्सिलचे अध्यक्ष आशिष पेठे म्हणाले, नवरात्रीनंतर बाजारात मागणी दिसून येत आहे. तो धनत्रयोदशीलाही सुरू राहणार आहे. यंदा साथीचे रोग आटोक्यात आल्याने, सोन्याचे भाव खाली आले असून, लग्नसराईचा हंगाम तीव्र झाल्याने सणाविषयीची उत्सुकता कायम आहे. यावर्षी ऑक्टोबर-नोव्हेंबर महिन्यांतील विक्री संपूर्ण वर्षाच्या विक्रीत 40 टक्के योगदान देईल.

उद्योग महामारीपूर्वीच्या पातळीवर परत येईल

रत्ने आणि दागिने उद्योगाची सर्वोच्च देशांतर्गत संस्था 2021 मध्ये उद्योग 2019 पूर्वीच्या पातळीवर परत येण्याची अपेक्षा करते. मात्र, सोन्याची किंमत 2019 च्या पातळीपेक्षा जवळपास 20 टक्क्यांनी जास्त आहे.

सेन्को गोल्ड अँड डायमंड्स लि. कंपनीचे मुख्य कार्यकारी अधिकारी (सीईओ) सुवेनकर सेन म्हणाले, गेल्या वर्षीच्या तुलनेत 15-20 टक्क्यांनी वाढ होऊन विक्री कोविड-19 पूर्वीच्या पातळीवर परतण्याची अपेक्षा आहे. दोन वर्षांच्या मानसिक चिंता आणि आव्हानांनंतर, ग्राहकांना त्यांच्या आनंदासाठी आणि संपत्तीच्या निर्मितीसाठी दागिन्यांमध्ये खर्च आणि गुंतवणूक करायची आहे.

सप्टेंबर तिमाहीत सोन्याच्या गुंतवणुकीत मोठी घसरण

जागतिक सुवर्ण परिषदेच्या अहवालानुसार, सप्टेंबरच्या तिमाहीत, जागतिक सोन्याच्या गुंतवणुकीत वार्षिक आधारावर 50 टक्क्यांहून अधिक घट झाली आहे. गोल्ड ईटीएफ फंडातून बाहेर पडल्यामुळे सोन्याची गुंतवणूक खूपच कमी झाली आहे.

सप्टेंबरच्या तिमाहीत जागतिक सोन्याच्या गुंतवणुकीची मागणी 53 टक्क्यांनी घसरून 235 मेट्रिक टन झाली आहे. गोल्ड बार आणि कॉईन गुंतवणुकीत 18 टक्क्यांनी वाढ झाली आहे आणि एकूण गुंतवणुकीत वर्षभरात वाढ होऊन 261.70 MT झाली आहे. सोन्याच्या किमती घसरल्याचा फायदा गुंतवणूकदारांनी घेतला आणि मोठ्या प्रमाणावर खरेदी केली. चौथ्या तिमाहीत (ऑक्टोबर-डिसेंबर) जागतिक सोन्याच्या गुंतवणुकीची मागणी चांगली राहील, असा विश्वास आहे. (Jewelery market is expected to be vibrant on Dhantrayodashi this year)

देशात हल्लकल्लोळ, 29 गोळ्या झाडून इंदिरा यांची हत्या, त्याच दिवशी राजीव गांधी पंतप्रधानपदी, वाचा इनसाटईड स्टोरीhttps://t.co/ta0tS9sMKt #IndiraGandhi | #IndiraGandhiJi | #IndiraGandhideathanniversary | #Indira_Gandhi | #RajivGandhi | @INCMaharashtra | @NANA_PATOLE |

— TV9 Marathi (@TV9Marathi) October 31, 2021