या बॅंकेच्या एफडीला मिळतंय चांगलं व्याज, बॅंकेने पुन्हा वाढविली योजनेची मुदत
रिझर्व्ह बॅंकेने रेपोरेट दर जैसे थे ठेवला आहे. दुसरीकडे बॅंकेतील फिक्स्ड डीपॉझिट स्कीममध्ये गुंतवणूकीसाठी चांगली संधी आहे. आता एका मोठ्या बॅंकेने आपली प्रसिद्ध एफडी योजनेची डेडलाईन वाढविली आहे.
नवी दिल्ली | 17 ऑगस्ट 2023 : कोणतीही फिक्स डीपॉझिट म्हणजेच एफडी योजना ही गुंतवणूकीसाठी चांगला पर्याय मानली जाते. गेल्यावर्षी महागाईत वाढ झाली होती. त्यामुळे रिझर्व्ह बॅंकेने रेपो रेटमध्ये वाढ करीत लोकांवरील ईएमआयचं ओझं वाढविले होते. त्यावेळी देशातील अनेक बॅंकांनी एफडीच्या व्याज दरात वाढ केली होती. यात एसबीआय बॅंकेने अमृत कलश योजनेचे व्याज दर वाढविले होते. यात सात टक्क्यांहून अधिक व्याज मिळत आहे. ही योजना 15 ऑगस्ट रोजी संपणार होती. परंतू आता तिची डेडलाईन वाढविली आहे.
31 डिसेंबरपर्यंत खाते खोलू शकता
स्टेट बॅंक ऑफ इंडीयाच्या वेबसाईटवर दिलेल्या माहीतीनूसार स्पेशल फिक्स्ड डीपॉझिट स्कीम अमृत कलश एफडीमध्ये गुंतवणूकीसाठी मुदतवाढ दिली आहे. या योजनेची वाढती लोकप्रियता पाहून एसबीआयने एफडी स्कीमची डेडलाईन एक वेळ पुन्हा वाढविली आहे. आता गुंतवणूकदार 31 डीसेंबर 2023 पर्यंत या योजनेचा फायदा घेऊ शकतील. ही एसबीआयची स्पेशल एफडी योजना आहे ज्यात 400 दिवसांसाठी गुंतवणूक करावी लागते.
दुसऱ्यांदा वाढविली डेडलाईन
एसबीआयच्या या स्पेशल एफडी स्कीममध्ये सर्वसामान्यांना 7.1 टक्के व्याज मिळते. तर ज्येष्ठ नागरिकांना 7.6 टक्के व्याज मिळते. या योजनेची शेवटची तारीख ही योजना लॉंच झाल्यानंतर आतापर्यंत दोनदा वाढविली आहे. या योजनेला स्टेट बॅंक ऑफ इंडीयाने यंदा 12 एप्रिल रोजी लॉंच केले होते. आधी योजनेची डेडलाईन 23 जून 2023 पर्यंत होती. नंतर ग्राहकांचा प्रतिसाद पाहून ती 15 ऑगस्टपर्यंत वाढविली. आता पुन्हा त्यात वाढ करीत 31 डीसेंबर 2023 पर्यंत नागरीकांना गुंतवणूकीची संधी दिली आहे.
योजनेत कर्जाची सुविधा उपलब्ध
एसबीआयच्या या एफडी डीपॉझिट स्कीमवर मॅच्युरिटी व्याज, टीडीएस कापून ग्राहकांच्या खात्यात जमा केली जाते. टीडीएस इन्कम टॅक्सनूसार कापला जातो. अमृत कलश एफडी योजनेत दोन कोटी रुपयांपर्यंत गुंतवणूक करता येते. या योजनेत मुदतीआधी पैसे काढण्याची तरतूद आहे. खातेधारकांना मासिक, तिमाही, सहामाही आणि वार्षिक व्याज काढण्याची सोय आहे.
खाते उघडण्यासाठी काय कराल
एसबीआयच्या अमृतकलश एफडी योजनेत आपले खाते उघडण्यासाठी 19 वर्षांपेक्षा अधिक वय हवे. तसेच आधारकार्ड, ओळखपत्र, वयाचा पुरावा, इन्कम प्रुफ, मोबाईल क्र., पासपोर्ट साईड फोटो आणि ई-मेल आयडी हवा. बॅंकेच्या शाखेत अर्ज भरून सर्व कागदपत्रांची प्रत आणि सुरुवातीला काही रक्कम भरुन खाते उघडता येते.
