‘हा’ व्यवसाय सुरु करण्यासाठी सरकार 35 टक्के भांडवल देणार, महिन्याला कमवाल एक लाख रुपये

Poultry Farming | पाच ते नऊ लाख रुपयांच्या भांडवलात तुम्हाला हा व्यवसाय सुरु करता येईल. अगदी लहान स्तरावर म्हणजे 1500 कोंबड्यांपासून हा व्यवसाय सुरु केला तरी तुम्ही महिन्याला लाखभराच्या आसपास उत्पन्न मिळवू शकता.

'हा' व्यवसाय सुरु करण्यासाठी सरकार 35 टक्के भांडवल देणार, महिन्याला कमवाल एक लाख रुपये
कुक्कुटपालन

मुंबई: तुम्ही ग्रामीण भागात राहत असाल आणि एखादा व्यवसाय सुरु करण्याचा विचार करत असाल तर शेतीपुरक उद्योगांमधून तुम्ही चांगली कमाई करू शकता. या क्षेत्रात शेतीच्या तुलनेत अधिक कमाईची हमी असते. ग्रामीण भागात जोडधंदा म्हणून हमखास केला जाणारा व्यवसाय म्हणजे कुक्कुटपालन. कुक्कुटपालनाचा व्यवसाय तुलनेत कमी जोखमीचा असून यामधून तुम्ही बक्कळ पैसेही कमावू शकता.

पाच ते नऊ लाख रुपयांच्या भांडवलात तुम्हाला हा व्यवसाय सुरु करता येईल. अगदी लहान स्तरावर म्हणजे 1500 कोंबड्यांपासून हा व्यवसाय सुरु केला तरी तुम्ही महिन्याला लाखभराच्या आसपास उत्पन्न मिळवू शकता.

किती खर्च येतो?

कुक्कुटपालनासाठी तुम्हाला मोठ्या जागेची आवश्यकता असते. त्यानंतर कोंबडीची पिल्लं विकत घेण्यासाठी साधारण पाच ते सहा लाखांचा खर्च येतो. 1500 कोंबड्यांचे लक्ष ठेवले तर तुम्हाला 10 टक्के जास्त पिल्लं खरेदी करावी लागतील. कोंबड्यांच्या विक्रीसोबतच तुम्ही अंडी विकूनही पैसे कमावू शकता.

दरवर्षी 30 लाखापर्यंत कमाई

सलग 20 आठवडे कोंबड्यांच्या देखभालीचा खर्च एक ते दीड लाख रुपये इतका होतो. कोंबड्यांची एक बॅच वर्षभरात साधारण 300 अंडी देते. 20 आठवड्यानंतर कोंबड्या अंडी द्यायला सुरवात करतात. तुमच्याकडे 1500 कोंबड्या असतील तर 290 अंड्यांच्या हिशेबाने वर्षाला 4, 35,000 अंडी मिळतील. यापैकी चार लाख अंडी विकली तरी तुम्ही चांगली कमाई करू शकता.

सरकारकडून 35 टक्के अनुदान

कुक्कुटपालनाच्या व्यवसायासाठी बिझनेस लोनवर 25 टक्के अनुदान मिळते. तर अनुसूचित जाती-जमातीच्या व्यक्तींना या व्यवसायासाठी 35 टक्के अनुदान दिले जाते. त्यामुळे भांडवल उभारण्याचा भार हलका होतो.

संबंधित बातम्या:

शेतीमधल्या नव्या वाटा, धानासाठी प्रसिद्ध गोंदियात फुलतेय ड्रॅगन फ्रुटची शेती, लाखोंची कमाई

सोयाबीनला विक्रमी झळाळी, क्विंटलचा दर 9 हजारांच्या पार, उच्चांकी दराचा फायदा नेमका कुणाला?

Drumstick Farming: एकदाच 50 हजाराची गुंतवणूक करा आणि दहा वर्षांपर्यंत खोऱ्याने पैसे कमवा

Read Full Article

Click on your DTH Provider to Add TV9 MARATHI