NPS चा नियम बदलणार, आता निवृत्तीनंतर पहिल्यापेक्षा जादा रक्कम मिळणार

नवीन पेन्शन योजना लागू होणार आहे. यात नवीन फंडात गुंतवणूकीचा पर्याय मिळणार आहे. पेन्शन फंड रेग्युलेटरी ॲण्ड डेव्हलपमेंट अथॉरिटीने ( PFRDA – Pension Fund Regulatory and Development Authority ) नवीन पेन्शन योजना तरुणांसाठी आकर्षक बनविण्याची तयारी सुरु केली आहे. यासाठी अथॉरिटी न्यू बॅलस्ड लाईफ सायकल नावाने एका फंड योजनेचा समावेश करणार आहे. यात निवृतीपर्यंत कर्मचाऱ्यांना चांगली रक्कम मिळणार आहे. पीएफआरडीएच्या या प्रस्तावित योजनेअंतर्गत, दीर्घ कालावधीसाठी इक्विटी फंडांमध्ये म्यॅच्युरिटीची रक्कम अधिक वाटप केली जाऊ शकते. या योजनेनूसार 45 वर्षांनंतर इक्विटी फंडात सरकार कमी गुंतवणूक करीत जाणार आहे. आता 35 वर्षांनंतरच सरकार गुंतवणूक कमी करत असते.

न्यू बॅलेंस्ड लाइफ सायकल फंडची योजना

एनपीएस ( National Pension System ) संदर्भात पेन्शनधारकांना 45 वर्षांपर्यंत इक्वीटी फंडात अधिक गुंतवणूक रक्कम वाटप करण्याची सुविधा मिळेल. यातून कर्मचाऱ्यांना निवृत्तीपर्यंत एक चांगला फंड तयार करता येईल. आम्ही दुसऱ्या तिमाहीत ( जुलै-सप्टेंबर ) दीर्घ कालावधीसाठी इक्विटी शेअर फंडातील गुंतवणूकीचे वाटप करण्यासाठी ‘न्यू बॅलस्ड लाईफ सायकल फंड’ सुरू करणार आहोत. त्याने दीर्घ कालावधीसाठी इक्विटी फंडांमध्ये अधिक रक्कम वाटप करण्यास परवानगी मिळेल असे पीएफआरडीएचे चेयरमन दीपक मोहंती यांनी सांगितले.

असा फायदा होईल

NPS च्या या नवीन योजनेअंतर्गत वयाच्या 45 व्या वर्षापासून इक्विटी गुंतवणुकीत हळूहळू कपात केली जाईल, सध्या ही कपात वयाच्या 35 व्या वर्षांपासून सुरू होते. असे झाल्यास, NPS ची निवड करणारे लोक दीर्घकाळासाठी इक्विटी फंडांमध्ये अधिक रक्कम गुंतवू शकतील. यामुळे दीर्घकाळात पेन्शन फंडात वाढ होईल आणि जोखीम आणि परतावा यांच्यातील समतोल देखील निर्माण होईल.

अटल पेन्शन योजनेचा संदर्भ

गेल्या आर्थिक वर्षात 2023-24 मध्ये अटल पेन्शन योजनेत 1.22 लाख नवी अंशधारक जोडले गेले आहेत. योजना झाल्यानंतर कोणत्याही एका वित्तीय वर्षात झालेली ही सर्वाधिक वाढ आहे. त्यांनी आर्थिक वर्षांत 1.3 कोटी पेन्शनधारकांना या योजनेशी जोडले जाण्याची आशा आहे.