Thackeray Bandhu : ज्ञानेश कुमार हटाव आंदोलनानंतर ठाकरेंच्या अडचणी वाढणार? जुनियर ठाकरेंसह 300 आंदोलकांवर….
ज्ञानेश कुमार हटाव या मागणीसाठी ज्युनियर ठाकरे, आदित्य आणि अमित ठाकरे यांच्या नेतृत्वाखाली दादरमध्ये आंदोलन झाले. यावेळी पोलीस आणि आंदोलकांमध्ये झटापट झाली. विनापरवानगी आंदोलन केल्यामुळे आदित्य ठाकरे, अमित ठाकरे आणि इतर ३०० आंदोलकांवर गुन्हा दाखल होण्याची शक्यता आहे, अशी माहिती सूत्रांनी दिली आहे.
ज्ञानेश कुमार हटाव या मागणीसाठी कनिष्ठ ठाकरेंनी मुंबईतील दादर येथे आंदोलन केले. या आंदोलनामध्ये आदित्य ठाकरे आणि अमित ठाकरे यांच्यासह सीजेपीचे कार्यकर्ते सहभागी झाले होते. शिवसेना भवनाबाहेर झालेल्या या आंदोलनादरम्यान पोलीस आणि ठाकरेंच्या शिवसैनिकांमध्ये झटापट झाली. छत्रपती शिवाजी महाराज पार्कजवळ अमित ठाकरे यांना पोलिसांनी ताब्यात घेतले होते.
सूत्रांनी दिलेल्या माहितीनुसार, काल विनापरवानगी आंदोलन केल्यामुळे आदित्य ठाकरे आणि अमित ठाकरे यांच्यासह इतर ३०० आंदोलकांवर गुन्हा दाखल होण्याची शक्यता आहे. आंदोलकांनी सरकारी कामात हस्तक्षेप केल्याचा आरोप त्यांच्यावर करण्यात येणार असल्याचेही समजते. यापूर्वी २ ऑक्टोबर रोजी अभिजीत दिपके यांनी याच ठिकाणी अनधिकृतपणे गर्दी जमवल्याने त्यांच्यावर गुन्हा दाखल झाला होता. आदित्य ठाकरे यांनी आंदोलन सुरूच ठेवण्याचा निर्धार व्यक्त केला आहे. आजदेखील छत्रपती शिवाजी महाराज पार्क येथे आंदोलन आणि मनसेच्या वतीने सह्यांची मोहीम राबवण्यात येणार आहे.
