Ajit Pawar Death : अपघातात अजित पवारांचा मृत्यू, संजय शिरसाट यांच्याकडून भावपुर्ण श्रद्धांजली
Maharashtra Deputy CM Ajit Pawar's plane crash Death in Baramati LIVE Updates : अजित पवारांच्या विमान अपघातातील अकाली निधनाने महाराष्ट्रभर शोककळा पसरली आहे. राज्याच्या राजकारणातला दादा म्हणून ओळखल्या जाणाऱ्या या धडाडीच्या नेत्याला गमावल्यामुळे सर्वसामान्यांपासून कार्यकर्त्यांपर्यंत सर्वांना मोठा धक्का बसला आहे. सुप्रिया सुळे यांच्यासह अनेक नेत्यांनी तीव्र दुःख व्यक्त केले आहे. ही न भरून येणारी पोकळी आहे.
अजित पवारांच्या विमान अपघातात झालेल्या दुर्दैवी निधनाने महाराष्ट्राच्या राजकारणाला मोठा धक्का बसला आहे. ज्या ठिकाणी अपघात झाला, तेथे विमान लँडिंगच्या वेळी कोसळले आणि मोठा स्फोट झाल्याचे प्रत्यक्षदर्शींनी सांगितले. राज्याच्या राजकारणातील एक धडाडीचे व्यक्तिमत्व आणि दादा या नावाने परिचित असलेले अजित पवार यांच्या अकाली एक्झिटने सर्वांनाच धक्का बसला आहे.
या घटनेमुळे संपूर्ण महाराष्ट्रात शोककळा पसरली असून, समर्थकांना आणि जनतेला अजूनही या बातमीवर विश्वास बसत नाहीये. त्यांची धाकटी बहीण सुप्रिया सुळे यांनी ‘डिव्हास्टेड’ असे स्टेटस ठेवून आपल्या भावना व्यक्त केल्या आहेत. सुप्रिया सुळे आणि सुनेत्रा पवार दिल्लीहून बारामतीकडे रवाना झाल्या आहेत. दादांचे हे निधन राज्याच्या राजकारणाचे मोठे नुकसान असल्याचे मानले जात आहे.
Published on: Jan 28, 2026 11:24 AM
