DCM Ajit Pawar Funeral : विद्या प्रतिष्ठान मैदानात अजित पवारांवर अंत्यसंस्कार करण्यात येणार

उपमुख्यमंत्री अजित पवार यांचे काल विमान अपघातात निधन झाल्यानंतर आज बारामती येथील विद्या प्रतिष्ठान मैदानात त्यांच्यावर अंत्यसंस्कार करण्यात येणार आहेत. अंत्यविधीसाठी सकाळीच तयारी सुरू झाली असून, विद्या प्रतिष्ठानच्या कला व विज्ञान महाविद्यालयाच्या गेटजवळ मोठा पोलीस बंदोबस्त तैनात करण्यात आला आहे. केंद्रीय गृहमंत्री अमित शहा यांच्यासह देशातील आणि राज्यातील अनेक महत्त्वाचे नेते या अंत्यसंस्कारासाठी उपस्थित राहणार आहेत.

या पार्श्वभूमीवर, पोलिसांकडून कडेकोट सुरक्षा व्यवस्था ठेवण्यात आली आहे. पुणे ग्रामीणचे पोलीस अधीक्षक संदीप गिल स्वतः या बंदोबस्ताचा आढावा घेत आहेत. व्हीआयपींसाठी याच गेटमधून प्रवेश दिला जाणार असून, खाजगी वाहनांना परिसरातून हटवून केवळ पोलीस वाहनांना परवानगी देण्यात आली आहे. अंदाजे ४०० ते ५०० पोलीस कर्मचारी या ठिकाणी सुरक्षेसाठी तैनात करण्यात आले आहेत.