Ajit Pawar NCP : बळीराजाचा उद्ध्वस्त सातबारा अन् दादांच्या ऑफिसात ‘वाजले की बारा’…’त्या’ Video नं राजकीय वर्तुळात वादंग

नागपूरमधील अजित पवार गटाच्या राष्ट्रवादी काँग्रेस कार्यालयात दिवाळीनिमित्त आयोजित एका कार्यक्रमात वाजले की बारा लावणी सादर करण्यात आली. या कार्यक्रमाचा व्हिडिओ समोर आल्यानंतर राजकीय वर्तुळात आणि समाजमाध्यमांवर मोठा वाद निर्माण झाला आहे. एका बाजूला शेतकऱ्यांची परिस्थिती बिकट असताना, दुसरीकडे सत्ताधारी पक्षाच्या कार्यालयात असा जल्लोष झाल्याने अनेक प्रश्न उपस्थित केले जात आहेत.

कार्यक्रमाच्या मंचावर अजित पवार, सुनील तटकरे आणि प्रफुल्ल पटेल यांचे छायाचित्र होते, तसेच छत्रपती शिवाजी महाराज, फुले, शाहू, आंबेडकर, गांधी, बोस, भगतसिंग यांच्या प्रतिमाही दिसत होत्या. लावणी ही मराठी लोककला असली तरी, सार्वजनिक जीवनात शेतकरी संवेदनशीलतेचा दावा करणाऱ्या नेत्यांच्या अशा वर्तनावर टीका होत आहे. नेते आणि पदाधिकाऱ्यांनी सभोवतालच्या परिस्थितीचे भान ठेवावे, अशी अपेक्षा व्यक्त केली जात आहे. या घटनेमुळे पक्षाच्या स्थापनेमागील उद्देशावरही प्रश्नचिन्ह निर्माण झाले आहे.

Ajit Pawar NCP : मी लावणी आर्टिस्ट अन्… दादांच्या राष्ट्रवादीच्या कार्यालयातील ‘तो’ Video व्हायरल होताच शिल्पा शाहीर यांची प्रतिक्रिया