Ajit Pawar NCP : मला जाऊ द्या ना घरी… कार्यालय की तमाशाचा फड? दादांच्या राष्ट्रवादीच्या ऑफिसातच लावणीचा ठसका; बघा Video

नागपूरमधील राष्ट्रवादी काँग्रेस पक्षाच्या कार्यालयात आयोजित दिवाळी मिलन कार्यक्रमात वाजले की बारा या प्रसिद्ध लावणी गाण्यावर नृत्य सादर करण्यात आले. या नृत्याचा व्हिडिओ सोशल मीडियावर व्हायरल झाल्यानंतर राजकीय वर्तुळात चर्चांना उधाण आले आहे. व्हायरल झालेल्या व्हिडिओमध्ये, शिल्पा शाहीर नावाच्या राष्ट्रवादीच्या पदाधिकारी महिलेने हे लावणी नृत्य सादर केले. त्यावेळी अजित पवार आणि प्रफुल्ल पटेल यांच्या पोस्टर्ससमोर हा कार्यक्रम सुरू होता आणि उपस्थित राष्ट्रवादीचे कार्यकर्ते टाळ्या वाजवून प्रतिसाद देत होते.

या प्रकाराची दखल घेत राष्ट्रवादीचे नेते प्रफुल्ल पटेल यांनी हा प्रकार निषेधार्ह असून योग्य ती कारवाई करणार असल्याचा इशारा दिला आहे. दुसरीकडे, नागपूर शहर अध्यक्ष अनिल अहिरकर यांनी लावणी ही महाराष्ट्राची संस्कृती असल्याचे सांगत टीका करणाऱ्यांच्या नजरेत दोष असल्याचे म्हटले आहे. शिल्पा शाहीर या पक्षाच्या पदाधिकारी आणि कलाकार असून, मुख्यमंत्र्यांसमोरही लावण्या सादर होतात, असे अहिरकर यांनी स्पष्ट केले.