Ramdas Kadam : पत्रकार परिषदेत कदमांनी थेट पत्नीलाच आणलं, परबांच्या ‘त्या’ आरोपांना उत्तर देत केलं खरं खोटं!

बाळासाहेब ठाकरेंच्या मृतदेहावरून सुरू झालेला राजकीय वाद आता शिगेला पोहोचला आहे. रामदास कदम यांनी बाळासाहेब ठाकरेंचा मृतदेह दोन दिवस मातोश्रीतच ठेवण्यात आल्याचा आणि हाताचे ठसे घेतल्याचा आरोप केला होता. यावर अनिल परब यांनी रामदास कदम यांच्यावर अब्रुनुकसानीचा दावा दाखल करण्याचा इशारा दिला. परब यांच्या इशाऱ्यानंतर रामदास कदम यांनी पुन्हा पत्रकार परिषद घेत अनिल परब यांच्यावर जहरी टीका केली. तसेच, उद्धव ठाकरे यांनी यावर उत्तर देण्याचे आव्हान दिले.

कदम यांनी परब यांच्या 1992 मधील त्यांच्या पत्नीच्या आत्महत्येच्या प्रयत्नाचा मुद्दा उपस्थित केला, ज्याला रामदास कदम यांच्या पत्नीने पत्रकार परिषदेत उपस्थित राहून फेटाळून लावले. रामदास कदम यांनी अनिल परब यांच्यावर विलेपार्ले येथील एसआरए प्रकल्पात घोटाळा केल्याचा आरोपही केला. परब आणि ठाकरेंविरोधात न्यायालयात मानहानीचा दावा दाखल करणार असल्याचे कदम यांनी सांगितले. हा वाद आता वैयक्तिक आणि कौटुंबिक प्रकरणांपर्यंत पोहोचला असून, तो लवकरच कोर्टातही जाण्याची शक्यता आहे.