सोयाबीन पिकामध्ये पाणी शिरल्याने शेतकऱ्यांचं मोठं नुकसान

बीड जिल्ह्यातील अंबाजोगाई तालुक्यात सध्या पाण्याखाली बुडालेल्या सोयाबीन आणि कापूस पिकांमुळे शेतकऱ्यांना मोठे आर्थिक नुकसान सहन करावे लागत आहे. अतिवृष्टीमुळे आठ दिवसांपूर्वी शेतात पाणी साचले आहे आणि गुडघ्यापर्यंत पाणी असल्याचे स्थानिक शेतकरी सांगत आहेत. शेतीचा पूर्णतः नास झाल्याने शेतकऱ्यांना ३० ते ४० हजार रुपयांचे नुकसान झाले आहे. सरकारने आठ दिवसांत पंचनामे करण्याचे आश्वासन दिले होते परंतु अद्यापही पंचनामे झाले नाहीत. शेतकरी सरकारकडून तात्काळ पंचनामे करून योग्य ती नुकसान भरपाई मिळावी अशी मागणी करत आहेत. कॅमेरा पर्सन विकास स्वामी आणि संभाजी मुंडे यांनी अंबाजोगाई बीड येथून ही माहिती पाठविली आहे.