Bihar Election Results: आकड्यात अडकले नितीश कुमार, CM होणार की नाही? मुख्यमंत्रीपदावर सस्पेन्स कायम

बिहार विधानसभा निवडणुकीत राष्ट्रीय लोकशाही आघाडीला (एनडीए) मोठे बहुमत मिळाले आहे. या विजयानंतर मुख्यमंत्रीपदावरून मात्र सस्पेन्स निर्माण झाला आहे. जनता दल युनायटेडने (जेडीयू) मुख्यमंत्रीपदावर दावा केला असतानाच, भारतीय जनता पार्टी (भाजप) राज्यात सर्वाधिक जागा जिंकणारा पक्ष ठरला आहे. या निवडणुकीत भाजपने ९० जागा जिंकल्या, तर जेडीयूला ८३ जागा मिळाल्या. यापूर्वी २०२० मध्ये भाजपने जास्त जागा जिंकूनही नितीश कुमारांना मुख्यमंत्रीपद दिले होते. मात्र, यावेळी भाजप नेते नितीश कुमारांच्या मुख्यमंत्रीपदाबद्दल उघडपणे बोलताना दिसत नाहीत.

मुख्यमंत्री देवेंद्र फडणवीस आणि भाजपचे बिहार प्रभारी विनोद तावडे यांनी सांगितले की, जरी निवडणूक नितीश कुमारांच्या नेतृत्वाखाली लढवली असली तरी, मुख्यमंत्रीपदाचा अंतिम निर्णय पक्षाचे केंद्रीय नेतृत्व घेईल. यामुळे पुढील दोन-तीन दिवसांत भाजप नेतृत्वाच्या निर्णयाकडे सर्वांचे लक्ष लागले आहे.