चिपळूणमध्ये पूल पडला, उद्योगमंत्री म्हणाले, ‘गडकरी यांना बदनाम…’

रत्नागिरी | 18 ऑक्टोंबर 2023 : चिपळूणमधील बहादूर शेख येथील उड्डाणपूल कोसळल्याची घटना काल घडली. उद्योगमंत्री आणि जिल्ह्याचे पालकमंत्री उदय सामंत यांनी घटनास्थळी भेट दिली. तांत्रिक अडचणीमुळे हा ब्रिज पडला अशी प्राथमिक माहिती समोर आली असे त्यांनी सांगितले. या दुर्घटनेच्या चौकशीसाठी 3 जणांची समिती नेमण्यात आली आहे. नेमकी ही दुर्घटना कशामुळे घडली याची शहानिशा ही समिती करेल. अहवालातून कोणाची चूक होती हे समोर आल्यावर त्यांच्यावर कारवाई करण्यात येईल असेही त्यांनी सांगितले. 10 तारखेपर्यंत सर्व्हिस रोड पूर्ण करण्याबाबत निर्देश दिले आहेत. तुटलेल्या पुलासंदर्भात केंद्रीय मंत्री गडकरी साहेब यांच्याशी चर्चा झाली आहे. पण, मुंबई गोवा महामार्ग हा हायवे गडकरी साहेबांना बदनाम करणारा ठरलेला आहे, अशी टिप्पणीही त्यांनी केली.