…म्हणून उद्धव ठाकरे यांनी आमच्यावर टीका केली; वज्रमूठ सभेवर चंद्रकांत पाटील यांची प्रतिक्रिया

पुणे : महाविकास आघाडीची छत्रपती संभाजीनगरमध्ये वज्रमूठ सभा झाली. त्यावर भाजपचे नेते मंत्री चंद्रकांत पाटील यांनी टीका केली आहे. आमची भिती वाटते म्हणून उद्धव ठाकरे यांनी आमच्यावर टीका केली, असं चंद्रकांत पाटील यांनी म्हटलं आहे. “महत्वाचं म्हणजे एका गिरणी कामगाराचा मुलाचा उल्लेख होतो हे अतिशय चांगलं आहे. झोपेच्या सोंग घेतलेल्या व्यक्तीला उठवता येत नाही. उद्धवजी, एकदा व्हीडिओ लावुया आणि त्यात काय चुकलं काय बरोबर आहे बघुया…आघाडीला अस्तिवाची लढाई सुरू आहे म्हणूनच कसबामध्ये एकही बंडखोर उभा राहिला नाही. वज्रमूठ ही भितीमधून तयार झाली आहे”, असंही चंद्रकांत पाटील म्हणाले आहेत.