Farmer Relief Package : दुष्काळग्रस्त बळीराजाला मोठा दिलासा, कोरडवाहू शेतकऱ्यांना प्रति हेक्टरी इतकी मदत, ऐतिहासिक घोषणा काय?

महाराष्ट्र सरकारने दुष्काळ आणि अवर्षणग्रस्त शेतकऱ्यांसाठी ₹31,628 कोटी रुपयांच्या विशाल मदत पॅकेजची घोषणा केली आहे. मुख्यमंत्री देवेंद्र फडणवीस यांनी ही माहिती दिली. या पॅकेजमध्ये अनेक उपाययोजनांचा समावेश आहे, ज्यामध्ये जमीन महसुलात सूट, शेतीशी निगडीत कर्जाचे पुनर्गठन आणि वसुलीला स्थगिती, तसेच कृषी पंपाच्या वीज बिलातून माफी प्रमुख घोषणा आहेत.

या योजनेनुसार, कोरडवाहू शेतकऱ्यांना प्रति हेक्टरी ₹18,500, हंगामी बागायती शेतकऱ्यांना ₹27,000, आणि बागायती शेतकऱ्यांना प्रति हेक्टरी ₹32,500 अशी थेट मदत दिली जाईल. यात राष्ट्रीय आपत्ती प्रतिसाद दलाच्या (NDRF) नियमानुसार मिळणाऱ्या मदतीव्यतिरिक्त रब्बी हंगामासाठी बियाणे व इतर खर्चासाठी अतिरिक्त ₹10,000 प्रति हेक्टरी अनुदानाचा समावेश आहे. एकूण 65 लाख हेक्टरसाठी ₹6175 कोटींची पीक नुकसान भरपाई दिली जाईल आणि रब्बीसाठीच्या मदतीसाठी ₹6500 कोटी लागतील. हा निधी दिवाळीपूर्वी शेतकऱ्यांपर्यंत पोहोचवण्याचा सरकारचा प्रयत्न आहे