डोंबिवली : आज मराठी नववर्षातील पहिला दिवस. नववर्षाच्या स्वागतासाठी सर्वत्र उत्साहाचं वातावरण पाहायला मिळत आहे. डोंबिवलीच्या नववर्ष स्वागतयात्रेत मुख्यमंत्री एकनाथ शिंदे सहभागी झाले. मुख्यमंत्री एकनाथ शिंदे स्वागतयात्रेत पायी चालत सहभागी झाले होते. डोंबिवली हा खासदार डॉ. श्रीकांत एकनाथ शिंदे यांचा मतदारसंघ आहे. राज्याची सांस्कृतिक उपराजधानी अशी डोंबिवली शहराची ओळख आहे. त्यामुळे डोंबिवलीत पारंपरिक पद्धतीने नवी वर्षाचं स्वागत केलं जातंय. गेल्या अनेक वर्षांपासून डोंबिवली शहरात भव्य नववर्ष स्वागतयात्रा निघते. यंदाच्या या यात्रेत मुख्यमंत्री एकनाथ शिंदे यांचाही सहभाग पाहायला मिळाला.