Congress Protest : राहुल गांधींच्या 9 तासांच्या ठिय्यानंतर आज पुन्हा रणशिंग? खरगेंच्या लंच डिप्लोमसीत पुढची रणनीती काय?

नवी दिल्लीत आज काँग्रेसने लंच डिप्लोमसीचे आयोजन केले. काँग्रेस अध्यक्ष मल्लिकार्जुन खरगे यांच्या नेतृत्वाखाली ही बैठक पार पडली, ज्यात ज्ञानेश कुमार यांच्याविरोधात पुढील आंदोलनाची रणनीती ठरवण्यात आली. या बैठकीत विरोधी पक्षाचे खासदार आणि नेते उपस्थित होते.

काल इंडिया आघाडीच्या खासदारांनी निवडणूक आयोगावर मोर्चा काढला होता. राहुल गांधी आणि प्रियांका गांधींसह अनेक खासदारांनी आकाशवाणी भवनासमोर नऊ तास ठिय्या दिला होता, त्यानंतर त्यांना ताब्यात घेण्यात आले. आजच्या लंच डिप्लोमसीनंतर पुन्हा एकदा निवडणूक आयोगाच्या कार्यालयावर मोर्चा काढण्याची किंवा ठिय्या देण्याची शक्यता वर्तवली जात आहे. आंदोलनासाठी तीन बसेस मागवण्यात आल्या असून, हॉटेल सागररत्नच्या परिसरात मोठा पोलीस बंदोबस्त तैनात करण्यात आला आहे. सीमा सुरक्षा बल, आयटीबीपी, दिल्ली पोलीस आणि रॅपिड ॲक्शन फोर्सचे जवान मोठ्या संख्येने उपस्थित आहेत. काँग्रेस आणि इंडिया आघाडी ज्ञानेश कुमार यांच्या राजीनाम्याची मागणी करत असून, राहुल गांधी पुन्हा ॲक्शन मोडमध्ये आले आहेत असे म्हटले जात आहे.