सी. पी. राधाकृष्णन यांचा उपराष्ट्रपतींचा शपथविधी सोहळा

नवनिर्वाचित उपराष्ट्रपती सी. पी. राधाकृष्णन यांचा शपथविधी सोहळा राष्ट्रपती भवनातील गणतंत्र हॉलमध्ये पार पडला. राष्ट्रपती द्रौपदी मुर्मु यांनी त्यांना शपथ दिली. या सोहळ्याला पंतप्रधान नरेंद्र मोदींसह अनेक केंद्रीय मंत्री आणि राजकीय नेते उपस्थित होते. सी. पी. राधाकृष्णन यांनी 1996 मध्ये तमिळनाडू भाजपमध्ये आपल्या राजकीय कारकिर्दीची सुरुवात केली. त्यानंतर ते कोइंबतूरमधून दोन वेळा खासदार राहिले आणि भाजपच्या तमिळनाडू प्रदेशाध्यक्षपदाची देखील जबाबदारी सांभाळली. फेब्रुवारी 2023 मध्ये त्यांची झारखंडचे राज्यपाल म्हणून नियुक्ती झाली आणि जुलै 2024 मध्ये ते महाराष्ट्राचे राज्यपाल झाले. नव्या जबाबदारी स्वीकारण्यापूर्वी त्यांनी महाराष्ट्राच्या राज्यपाल पदाचा राजीनामा दिला.