Ajit Pawar : तुला कळत नाही का रे… तुला का वाईट वाटतंय… जेव्हा अजित पवार पत्रकारांची फिरकी घेतात

राज्याचे उपमुख्यमंत्री अजित पवार हे नेहमीच चर्चेत असतात. अजित पवार यांची बोलण्याची स्टाईल असो किंवा एखाद्या पत्रकारांच्या प्रश्नावर भाष्य करताना दिलेलं खुमासदार उत्तर असो.. अजित पवार यांचा स्वॅग बोलण्यातून नेहमीच वेगळा जाणवतो. अशातच आज पुणे येथे दौऱ्यावर असताना अजित पवार यांनी पत्रकारांशी बोलताना त्यांनी विचारलेल्या प्रश्नावर अजितदादांनी पत्रकारांची फिरकी घेतली. निधी मिळाला नाही म्हणून शिंदेंच्या आमदारांमध्ये नाराजी आहे. तर संजय शिरसाट यांचा उल्लेख करत पत्रकारांनाच अजित दादांनी कोंडीत पकडलं. अजित पवार म्हणाले, तुम्ही संजय शिरसाट म्हणताय.. संजय शिरसाट आमदार नाही आता ते मंत्री आहेत. यासह ते छत्रपती संभाजीनगरचे ते पालकमंत्री आहेत, असं म्हणत अजित पवारांनी फिरकी घेतली. बघा पुढे काय-काय म्हणाले?