Nilesh Rane : शिंदेंचा PA बनायलाही तयार… शेवटच्या श्वासापर्यंत… मालवणच्या प्रचारसभेत निलेश राणेंचा निर्धार

उपमुख्यमंत्री एकनाथ शिंदे यांनी निलेश राणेंचे मोठे कौतुक केले. मालवण येथील प्रचारसभेत त्यांनी निलेश राणे यांना शिवसेनेचे खणखणीत नाणे संबोधले. या सभेत बोलत असताना एकनाथ शिंदे म्हणाले, निलेश राणे म्हणजे शिवसेनेची भगवी रेष आहे. इलाका किसकाभी हो धमका निलेश राणेही करेगा… असंही एकनाथ शिंदे म्हणाले. दरम्यान, व्हॅनिटी व्हॅनमध्ये एकनाथ शिंदे, निलेश राणे, उदय सामंत आणि दीपक केसरकर यांच्यात झालेल्या चर्चेनंतर निलेश राणेंनी शेवटच्या श्वासापर्यंत शिंदे यांची साथ सोडणार नसल्याचे आणि त्यांचे पीए बनायलाही तयार असल्याचे म्हटले होते. निलेश राणे कधी घाबरत नाहीत कारण त्यांना राणे साहेबांचे बाळकडू मिळाले आहे, असेही शिंदे यांनी म्हटले.