Eknath Shinde : शिवसेनेतून भाजपात धडाधड इनकमिंग… शिंदे म्हणाले, आमच्या पदाधिकाऱ्यांना सांगितलंय…

महायुतीच्या एकजुटीबाबत उपमुख्यमंत्री एकनाथ शिंदे यांनी महत्त्वपूर्ण विधान केले आहे. मुख्यमंत्र्यांसोबत चर्चा झाल्यानंतर महायुती मजबूत झाली पाहिजे आणि महायुतीला गालबोट लागू नये, असे एकनाथ शिंदे यांनी सांगितले. यासह महायुतीमध्ये अंतर्गत प्रवेश नकोत असे मुख्यमंत्र्यांनी सांगितल्याचे नमूद करत, मुख्यमंत्री त्यांच्या पदाधिकाऱ्यांना अतिशय सक्त सूचना देतील असेही एकनाथ शिंदे सूचकपणे म्हणाले. शिवसेनेतून भाजपमध्ये झालेल्या इनकमिंगवर प्रतिक्रिया देताना शिंदे यांनी महायुतीमध्ये कुठेही मतभेद होऊ नयेत आणि कुठलाही मिठाचा खडा पडू नये यासाठी काळजी घेणार असल्याचे स्पष्ट केले.