Eknath Shinde : कल्याण-डोंबिवलीचा महापौर महायुतीचाच… एकनाथ शिंदेंकडून विजयाचा विश्वास अन् विकासकामांवर दिला भर

उपमुख्यमंत्री एकनाथ शिंदे यांनी कल्याण-डोंबिवली महापालिकेच्या प्रचार सभेत महायुती आगामी निवडणुकांमध्ये निर्णायक विजय मिळवेल असा विश्वास व्यक्त केला. येत्या १५ तारखेला २९ पैकी २९ महापालिकांवर महायुतीचा भगवा फडकेल, असा दावा त्यांनी केला. विरोधकांच्या टीकेला कामाने उत्तर देत असल्याचे शिंदे यांनी नमूद केले. शिंदे यांनी लाडकी बहीण योजनेचा उल्लेख करत, या योजनेद्वारे दरवर्षी ४५ हजार कोटी रुपये महिलांच्या खात्यात जमा होत असल्याचे सांगितले. ही योजना महिलांना आत्मनिर्भर बनवण्यासाठी महत्त्वाची आहे. कल्याण-डोंबिवलीमध्ये रिंग रोड, कॅन्सर हॉस्पिटल, मल्टीमोडल ट्रान्सपोर्ट हब आणि क्लस्टर योजनांसारखे अनेक विकास प्रकल्प राबवले जात आहेत. धोकादायक इमारतींचा प्रश्न सोडवण्यासाठी क्लस्टर योजना कार्यान्वित केली जात असून, नागरिकांना हक्काची घरे मिळतील असे त्यांनी स्पष्ट केले.