Shahajibapu Patil : हिडीस, किळसवाणे, अबलेवर बलात्कार… भाजपच्या वागणुकीवर शहाजी बापूंची जहरी टीका
आमदार शहाजी पाटील यांनी भाजपच्या वागणुकीवर तीव्र टीका केली. "हिडीस, किळसवाणे आणि एखाद्या अबलेवर बलात्कार केल्यासारखी भाजपची वागणूक आहे," असे त्यांनी म्हटले. मित्रपक्षांना सोबत घेऊन त्यांना संपवणे हा भाजपचा अजेंडा असल्याचे मत बच्चू कडू यांनीही व्यक्त केले. यावर नवनाथ बन यांनी भाजपचा बचाव करत, "भाजप मित्रपक्षाच्या डोक्यावर बसत नाही," असे प्रत्युत्तर दिले.
एकनाथ शिंदे यांचे आमदार शहाजी पाटील यांनी भाजपच्या कार्यपद्धतीवर तीव्र शब्दांत टीका केली आहे. भाजपची वागणूक “हिडीस, किळसवाणे आणि एखाद्या अबलेवर बलात्कार केल्यासारखी” असल्याचे त्यांनी म्हटले आहे. महाराष्ट्राची वैभवशाली राजकीय परंपरा अशा राजकारणामुळे उद्ध्वस्त होईल, अशी भीतीही त्यांनी व्यक्त केली.
तर दुसरीकडे बच्चू कडू यांनीही शहाजी पाटील यांच्या मताला दुजोरा देत, मित्रपक्षांना सोबत घेऊन त्यांचा घात करणे हा भाजपचा अजेंडा असल्याचे म्हटले. भाजप मित्रपक्षांना संपवून त्यांच्या डोक्यावर बसते, अशी टीकाही बच्चू कडू यांनी केली. या आरोपांना उत्तर देताना, नवनाथ बन यांनी भाजपची बाजू मांडली. भाजप मित्रपक्षांना सोबत घेऊन काम करते, त्यांच्या डोक्यावर बसत नाही, असे त्यांनी स्पष्ट केले. तसेच, बच्चू कडू यांच्यावर पलटवार करत बन यांनी त्यांना गेल्या पाच वर्षांतील आचलपूरमधील पराभवाची आठवण करून दिली. एकनाथ शिंदे यांची साथ सोडण्यापूर्वी आत्मपरीक्षण करण्याचा सल्लाही बन यांनी बच्चू कडूंना दिला.
