CM फडणवीस आणि ठाकरेंच्या भेटीच्या बातमीवर ‘प्रबुद्ध भारत’ ठाम; संपादक म्हणाले,’तुम्ही CCTV….

महाराष्ट्रातील विधानपरिषद निवडणुकीच्या पार्श्वभूमीवर राजकीय हालचालींना वेग आला आहे. अशात, उद्धव ठाकरे आणि मुख्यमंत्री देवेंद्र फडणवीस यांच्यात मध्यरात्री भेट झाल्याची चर्चा रंगली आहे. एका ट्विटद्वारे या भेटीचा दावा समोर आला असून हे ट्वीट ‘प्रबुद्ध भारत’ या मीडिया हाऊसने केले आहे.

‘प्रबुद्ध भारत’ने वर्षा निवासस्थानी दोन्ही नेत्यांची भेट झाल्याचा दावा केला आहे. मात्र, मुख्यमंत्री फडणवीस यांनी हे सर्व दावे फेटाळले आहेत. दरम्यान, प्रबुद्ध भारतचे संपादक बातमीवर ठाम असल्याचं म्हणाले आहेत. संपादक जीतरत्न म्हणाले, “या आधीही मुख्यमंत्री देवेंद्र फडणवीस यांनी एकनाथ शिंदेंच्या लपून भेटीगाठी घेतल्या होत्या, असं अमृता फडणवीस म्हणत असतात, आता पत्रकारांनी शोध पत्रकारिता करावी आणि वर्षा बंगल्याच्या जवळचे CCTV तपासावे.’

मुख्यमंत्र्यांनी ही बातमी अयोग्य असल्याचं सांगत संबंधितांना नोटीस पाठवणार असं सांगितलं होतं. यावर ‘प्रबुद्ध भारत’चे संपादक म्हणाले, “आम्ही आमच्या बातमीवर ठाम आहोत, नोटीस येईल तेव्हा पाहू…”